کراچی: خواتین کا انڈور ہاکی کیلئے آؤٹ ڈور کیمپ

کراچی میں پاکستان ویمنز ہاکی ٹیم کی انڈور ہاکی کی تیاری کے لیے انوکھا آؤٹ ڈور کیمپ لگایا گیا ہے۔

ذرائع کے مطابق اس انوکھے کیمپ میں کھلاڑیوں کے پاس پریکٹس کے لیے نہ انڈور ہاکی ہے، نہ انڈور گیند، نہ انڈور ہاکی کا گول پوسٹ ہے، نہ ہی کھلاڑیوں اور کوچ کو قوانین کا علم ہے۔

یہاں تک کے پاکستان ویمنز ٹیم نے نہ کبھی انڈور ہاکی کھیلی اور نہ اس کی کوئی چیمپئن شپ ہوئی ہے۔
حیرت انگیز بات یہ ہے کہ اس صورتِ حال کے باوجود بھی پاکستان ویمنز ٹیم انڈور ویمنز ہاکی ایشیاء کپ کھیلنے تھائی لینڈ جائے گی۔

اس حوالے سے ہاکی ٹیم کے ہیڈ کوچ کا کہنا ہے کہ کیمپ لگ گیا ہے، جلد انڈور ہاکی اور بال بھی آ جائے گی اور خواتین کھلاڑیوں کو قوانین بھی بتا دیے جائیں گے۔