پاکستان کے عوام حکومت کو صرف 12 ارب روپے زکوۃ دیتے ہیں اور خود 9 ہزار ارب روپے زکوۃ اور خیرات پر خرچ کرتے ہیں ۔۔۔۔۔۔۔کراچی اسٹاف رپورٹر ۔۔۔پاکستانی عوام حکومت کو صرف 12 ارب روپے زکوۃ کی مد میں جمع کراتے ہیں جبکہ خود 9 ہزار ارب روپے زکوۃ اور خیرات کے کاموں پر خرچ کرتے ہیں یہ دعوی کیا ہے پاکستان کے ممتاز ماہر معیشت اور اقتصادیات اور بینکنگ امور کے ایکسپرٹ ڈاکٹر شاہد حسن صدیقی نے ۔ ان کا یہ بھی کہنا ہے کہ پاکستان میں زکوۃ کی مد میں 15 ہزار ارب روپے جمع ہونے چاہیے لیکن لوگوں کو حکومت اور اس کے استعمال کے انداز پر اعتماد نہیں ہے ۔ ان کا کہنا ہے کہ 80 فیصد بینک مالکان پاکستانی شہری نہیں ہیں حبیب بینک اغا خان کا ہے یو بی ایل یو اے ای کا ہے اسٹینڈرڈ چارٹر بھی باہر کا بینک ہے ۔ ان کا کہنا ہے کہ پاکستان کے بجٹ خسارے کی بنیادی وجہ کرپشن ہے یہ بات سب جانتے ہیں اور خسارہ کون پورا کر رہا ہے بینک وہ کیوں ؟ یہ بات کوئی نہیں پوچھتا کوئی نہیں سمجھتا لیکن اشرافیہ سب جانتی ہے اور خاموش ہے ۔ جب تک عوام حقائق سے واقف نہیں ہوں گے اٹھ کھڑے نہیں ہوں گے یہ سلسلہ یوں ہی چلتا رہے گا
