1500 روپے کے پرائز بانڈ رکھنے والوں کا طویل انتظار بالآخر ختم ہو گیا، کیونکہ نیشنل سیونگز آرگنائزیشن نے راولپنڈی میں ڈرا نمبر 104 کے نتائج جاری کر دیے۔
یہ پرائز بانڈ اپنی کم قیمت اور بھاری انعامات کے باعث ملک بھر میں سب سے زیادہ مقبول سمجھا جاتا ہے، اور اس کا ڈرا ہر تین ماہ بعد منعقد کیا جاتا ہے۔ اس بار بھی ہزاروں افراد کی نظریں بڑے انعامات پر مرکوز تھیں۔
ڈرا کے مطابق 30 لاکھ روپے کا پہلا انعام نمبر 091925 نے جیت لیا۔
دوسرے انعام کے تین خوش نصیب نمبرز 106210، 502971 اور 916702 قرار پائے۔
جبکہ تیسرے انعام کے 1,696 کامیاب امیدواروں کو 18 ہزار 500 روپے فی کس دیے جائیں گے۔ مکمل فہرست نیشنل سیونگز کی سرکاری ویب سائٹ اور متعلقہ دفاتر میں دستیاب ہے۔
نیشنل سیونگز کے مطابق انعام جیتنے والے افراد اصل بانڈ اور شناختی کارڈ کے ساتھ اسٹیٹ بینک آف پاکستان کے بی ایس سی فیلڈ دفاتر، نامزد کمرشل بینکوں یا نیشنل سیونگز سینٹرز سے اپنا انعام وصول کر سکتے ہیں۔
