اسلام آ باد (رانا غلام قادر)بیورو کریسی میں تقرر و تبادلے، ریئر ایڈمرل (ر) شاہد احمد کوچیئرمین کراچی پورٹ ٹرسٹ مقرر ،انعام الرحمان ملک ،عاصم گلزار نیشنل ہائی ویز اینڈ موٹروے پولیس،ثاقب منظور ڈپٹی سیکرٹری وزیر اعظم آفس ،اسد اللہ جوائنٹ سیکرٹری پلاننگ ، عائزہ ستار ڈپٹی سیکرٹری اکنامک افیئرز ،وحید احمد شیخ ڈپٹی سیکرٹری اسٹیبلشمنٹ تعینات کر دیے گئے ۔ ریئر ایڈمرل (ر) شاہد احمد نے بطور چیئرمین، کے پی ٹی عہدے کا چارج سنبھال لیا ، بے نظیر انکم سپورٹ پروگرام میں تعینات پولیس سروس، گریڈ 20 کے افسر انعام الرحمان ملک کی خدمات نیشنل ہائی ویز اینڈ موٹروے پولیس، آئی بی ڈویژن میں تعینات پولیس سروس کےگریڈ 20 کے افسر عاصم گلزار کی خدمات نیشنل ہائی ویز اینڈ موٹروے پولیس کے سپرد کر دی گئیں ۔ گلگت بلتستان حکومت میں تعینات پولیس سروس کے گریڈ 19 کے افسر عارف شہباز خان وزیر، پنجاب حکومت میں تعینات پولیس سروس کے گریڈ 18 کے احسان اللہ چوہان، پنجاب حکومت میں تعینات پولیس سروس، کےگریڈ 18 کے افسر حسام بن اقبال اور پنجاب حکومت میں تعینات پولیس سروس کے گریڈ 18 کے افسر شمس الدین کو تبدیل کر کے ان افسران کی خدمات نیشنل سائبر کرائم انویسٹی گیشن ایجنسی (این سی سی آئی اے) کے سپرد کی گئی ہیں۔
=================
صدر مملکت نے جسٹس منصور اور جسٹس اطہر من اللہ کے استعفے منظور کرلیے,جسٹس منصور علی شاہ اور جسٹس اطہرمن اللہ نے گزشتہ روز سپریم کورٹ کے جج کی حیثیت سے استعفیٰ دے دیا تھا. جسٹس منصور علی شاہ نے 13 صفحات پر مشتمل استعفے میں کہا تھا کہ 27 ویں آئینی ترمیم آئین پاکستان پر ایک سنگین حملہ ہے، 27 ویں آئینی ترمیم نے سپریم کورٹ آف پاکستان کو ٹکڑے ٹکڑے کر دیا ہے۔
جسٹس منصور علی شاہ نے کہا کہ میں نے ادارے کی عزت، ایمان داری اور دیانت کےساتھ خدمت کی، میرا ضمیر صاف ہے اور میرے دل میں کوئی پچتاوا نہیں ہے اور سپریم کورٹ کے سینئرترین جج کی حیثیت سے استعفیٰ پیش کرتا ہوں۔ جسٹس اطہر من اللہ نے کہا تھا کہ 27 ویں ترمیم کی منظوری سے پہلے میں نے چیف جسٹس آف پاکستان کو خط لکھ کر اس بات پر تشویش کا اظہار کیا تھا کہ اس میں تجویز کردہ شقوں کا ہمارے آئینی نظام پر کیا اثر پڑے گا۔
انہوں نے کہا کہ اگرآنے والی نسلیں انہیں کسی مختلف نظر سے دیکھیں گی، تو ہمارا مستقبل ہمارے ماضی کی نقل نہیں ہو سکتا۔ جسٹس اطہر من اللہ نے لکھا کہ ججوں کا لباس آخری بار اتارتے ہوئے سپریم کورٹ جج کے عہدے سے رسمی استعفیٰ پیش کرتا ہوں جو فوری طور پر مؤثر ہوگا۔
=================
اسلام آباد: وفاقی آئینی عدالت کے چیف جسٹس امین الدین نے پہلا حکم جاری کردیا۔
وفاقی آئینی عدالت کے چیف جسٹس امین الدین ٰخان نے سابق ڈسٹرکٹ اینڈ سیشن جج محمد حفیظ کو رجسٹرار آئینی عدالت لگا دیا۔
اس کے علاوہ مظہر بھٹی کو سیکرٹری ٹو چیف جسٹس وفاقی آئینی عدالت تعینات کردیا گیا ہے۔
چیف جسٹس وفاقی آئینی عدالت کی منظوری کے بعد وفاقی آئینی عدالت کے رجسٹرار کا نوٹیفکیشن جاری بھی کردیا گیا جس کے مطابق محمد حفیظ اللہ وفاقی آئینی عدالت کے پہلے رجسٹرار ہوں گے۔
جسٹس امین الدین خان چیف جسٹس وفاقی آئینی عدالت مقرر
وفاقی آئینی عدالت کے پہلے چیف جسٹس امین الدین نے عہدے کا حلف اٹھالیا
