نئے اوقات کار پر عمل نہ کرنے والے تعلیمی اداروں کے خلاف بڑی کارروائی کا اعلان
پنجاب ایجوکیشن فاؤنڈیشن نے اپنے پارٹنر اسکولوں کے اوقاتِ کار اور تعطیلات کے شیڈول میں اہم تبدیلی کا اعلان کردیا ہے۔
نئے فیصلے کے مطابق اب ہفتہ کے روز بھی تعطیل ہوگی، جس کے بعد طلبہ ہفتے میں دو چھٹیاں حاصل کریں گے۔
اس سے پہلے صرف اتوار کو تعطیل ہوا کرتی تھی۔ جاری کردہ اعلامیے کے مطابق پیف پارٹنر اسکولوں کے نئے اوقاتِ کار صبح 8 بج کر 45 منٹ سے دوپہر 1 بج کر 30 منٹ تک ہوں گے۔
جمعہ کے روز کلاسز 12 بج کر 30 منٹ پر ختم کی جائیں گی۔ یہ نیا شیڈول 15 اپریل 2026 تک نافذالعمل رہے گا۔
واضح رہے کہ گزشتہ ماہ پنجاب اسکول ایجوکیشن ڈیپارٹمنٹ نے صوبے بھر کے سرکاری اسکولوں کے اوقات کار میں بھی اسموگ کی شدت کے سبب تبدیلی کی تھی۔
پنجاب بھر میں 1500 اسکول آف ایمینینس قائم کرنے کا فیصلہ
حکومتی نوٹیفکیشن کے مطابق پیر سے جمعرات تک اسکول صبح 8:45 سے دوپہر 1:30 بجے تک جبکہ جمعہ کو 12:30 بجے تک کھلیں گے۔
صوبائی وزیرِ تعلیم رانا سکندر حیات نے کہا تھا کہ اسموگ کی بگڑتی صورتحال کے دوران بچوں کی صحت اور تحفظ اولین ترجیح ہے، اسی لیے اسکول ٹائمنگز میں ردوبدل ناگزیر تھا۔
=========================
لوک میلہ میں سندھ کلچرل میوزک نائٹ نے محفل لوٹ لی
اسلام آباد:لوک ورثہ کے زیر اہتمام جاری لوک میلہ کے آٹھویں روز رنگا رنگ ثقافتی سرگرمیوں نے میلے کو نئی رونق بخشی۔
سندھ کلچرل میوزک نائٹ نے میلے کی شام کو مکمل طور پر اپنی گرفت میں لے لیا جہاں ملک بھر سے آئے ہوئے لاکھوں شائقینِ موسیقی نے بھرپور شرکت کی۔سندھ پویلین جو ہمیشہ اپنی ثقافتی مہک، روایتی ہنر، لوک موسیقی اور رقص کے باعث نمایاں رہتا ہے ، آج ایک بار پھر توجہ کا مرکز بنا رہا۔
وزیر ثقافت، سیاحت و نوادرات حکومت سندھ سید ذوالفقار علی شاہ کی خصوصی دعوت پر ہزاروں افراد نے پویلین کا رخ کیا۔رات کے وقت جشن نے ایک نیا رنگ اس وقت اختیار کیا جب سندھ کے معروف اور بین الاقوامی شہرت یافتہ فنکار سٹیج پر جلوہ گر ہوئے جن میں صوفی موسیقی کی ملکہ صنم ماروی نے اپنے وجد انگیز کلام سے سامعین کو مسحور کر دیا۔
سندھ کے نوجوان لیجنڈ سیف سمیجو نے جدید اور روایتی دھنوں کو ملا کر ماحول کو جوش و جذبے سے بھر دیا۔ طفیل خان سنجرانی نے اپنی دلکش سرتال اور منفرد سٹائل کے ساتھ حاضرین کی داد وصول کی۔ اصغر کھوسو نے خاص لوک موسیقی کے رنگ بکھیر کر سندھ کی روح کو زندہ کر دیا۔
سندھ کلچرل میوزک نائٹ شام 6 بجے اوپن ایئر آڈیٹوریم میں منعقد ہوئی جس میں شائقین کی کثیر تعداد موجود تھی جبکہ آڈیٹوریم کے باہر بھی لوگ موسیقی سے لطف اندوز ہوتے رہے۔لوک ورثہ کے ایگزیکٹو ڈائریکٹر ڈاکٹر محمد وقاص سلیم نے کہا کہ سندھ کی ثقافت پاکستان کی ثقافتی پہچان کا اہم ستون ہے اور سندھ پویلین و موسیقی کی شام نے اس پہچان کو آج پھر سے زندہ کر دیا۔ میلہ 16 نومبر تک روزانہ صبح 10:00 بجے سے رات 10:00 بجے تک جاری رہے گا۔
