اگر ایک اژدھا آپ کے جسم کے گرد لپٹ کر آپ کو پانی کے اندر کھینچ لے تو کیسا محسوس ہوگا؟ یقین کرنا مشکل ہے، لیکن انڈونیشیا میں ایک شخص کے ساتھ ایسا تجربہ ہوا۔
انڈونیشیا کے جزیرے بورنئو میں ایک ٹور گائیڈ جو سانپ پکڑنے میں ماہر ہیں، سیاحوں کے ساتھ دریا میں کشتی پر سفر کر رہے تھے، انہوں نے اچانک کشتی کے قریب ایک اژدھے کو دیکھا گیا۔
گائیڈ نے اژدھے کے سر کو پکڑنے کے لیے کشتی کے کنارے سے جھانکنا شروع کیا، لیکن اس کے بجائے اژدھے نے اسے پانی میں گرا دیا، پانی میں گرنے کے فوراً بعد اژدھے نے گائیڈ کو جکڑ لیا اور تیزی سے پانی کے اندر کھینچنے لگا۔
کشتی پر موجود عملے نے فوراً پانی میں چھلانگ لگا کر گائیڈ کو اژدھے سے آزاد کرنے کی کوشش کی۔ دو افراد نے محنت سے اژدھے کو قابو کیا، ایک نے اس کا سر پکڑا اور دوسرے نے دم تھامی، جس کے بعد گائیڈ کو بچا لیا گیا۔
بعد میں اژدھے کو کشتی میں لے جایا گیا، جہاں عملے نے اس کی تصاویر لیں اور پھر اسے دوبارہ آزاد کر دیا۔
یاد رہے کہ اژدھے زہریلے نہیں ہوتے، وہ اپنے شکار کو صرف اس لیے جکڑتے ہیں تاکہ اس کی سانس رک جائے اور اسے نگل سکیں۔
