نیوز ڈیسک
November 08, 2025
اسلام آباد:ثقافت ہماری پہچان ہے ۔ لوک ورثہ اسلام آباد میں روایتی رنگوں، خوشبوؤں اور دھنوں سے سجا لوک میلہ پاکستان کی شناخت ہے ۔
لوک میلے میں ملک بھر سے آئے ہوئے ہنرمند، دستکار، اور فنکار اپنی ثقافت اور روایات کی جھلک پیش کر رہے ہیں۔میلے میں صوبہ پنجاب، سندھ، خیبرپختونخوا، بلوچستان، گلگت بلتستان اور آزاد کشمیر کے مخصوص اسٹالز قائم کیے گئے ہیں، جہاں ، ملبوسات، زیورات، اورہر صوبے کے لذیذ کھانے عوام کی توجہ کا مرکز بنے ہوئے ہیں۔
روایتی موسیقی، لوک رقص اور علاقائی دھنوں نے فضا کو مزید دلکش بنا دیا ہے۔میلے کا مقصد پاکستان کی متنوع ثقافت کو اجاگر کرنا اور عوام کو ایک پلیٹ فارم پر لانا ہے، تاکہ وہ اپنی شناخت اور ورثے پر فخر محسوس کر سکیں۔
میلہ نہ صرف رنگ، خوشبو اور ثقافت کا امتزاج ہے بلکہ پاکستان کی ثقافتی ہم آہنگی کی خوبصورت عکاسی بھی کرتا ہے۔
