اسلام آباد:وفاقی وزیرپٹرولیم علی پرویز ملک سے پاکستان میں کینیڈا کے ہائی کمشنر طارق علی خان نے ملاقات کی ۔
ملاقات کے دوران گفتگوکرتے ہوئے کینیڈین ہائی کمشنر نے کہا کہ کریٹیکل منرلز، توانائی، قابل تجدید انرجی اور زراعت میں دونوں ممالک کے درمیان تعاون کے مواقع ہیں ، کینیڈین کمپنی بیرک گولڈ کامیابی سے ریکو ڈک پر کام کر رہی ہے۔
اس موقع پر وفاقی وزیر علی پرویز ملک نے کہاکہ ریکو ڈک منصوبہ پاکستان کے لیے بہت اہمیت کا حامل ہے ،ریکوڈک پاکستان کی کان کنی میں نئے معیار سیٹ کر رہا ہے، ریکو ڈک سے متصل علاقوں میں متعدد دیگر منصوبوں میں بھی بہترین مواقع موجود ہیں۔
علی پرویز ملک نے مزید کہاکہ کینیڈا کے ساتھ مضبوط شراکت داری کو فروغ دینے کے لیے مکمل سپورٹ فراہم کریں گے۔
