میرپورخاص
رپورٹ
تحسین احمد خان
عوامی فنڈز میں مبینہ خردبرد کرنے کے الزام پر شہریوں کی جانب سے ٹاؤن چیئرمین اور یونین کونسل نمبر 5 کے چیئرمین کے خلاف ہائی کورٹ میرپورخاص میں پٹیشن دائر کردی عدالت نے فریقین کو 19 نومبر کو طلب کرلیا،ہمارے مخالفین ہمارے کام کی وجہ سے بعض رکھتے ہوۓ ہماری مخالفت پر اتر آۓ ہیں عدالت سے سرخرو ہونگے ٹاؤن چیئرمین ممتاز جھنڈیر تفصیلات کے مطابق سندھ ہائی کورٹ سرکٹ بینچ میرپورخاص نے یونین کونسل نمبر 5 کے چیئرمین ممتاز جھندیر اور ٹاؤن کمیٹی میرپورخاص کے چیئرمین ولی محمد ناریجو کو مبینہ کرپشن کے الزامات پر 19 نومبر 2025 کو عدالت میں پیش ہونے کا حکم دیا ہے عدالت نے یہ احکامات ایک شہری حسین بخش و دیگر کی جانب سے دائر کی گئی آئینی درخواست پر دیے درخواست گزار نے مؤقف اختیار کیا گیا ہے کہ یونین کونسل نمبر 5 کے چیئرمین ممتاز جھندیر نے گزشتہ دو برسوں کے دوران یونین کونسل کے ترقیاتی فنڈز میں سے تقریباً دو کروڑ پچھتر لاکھ روپے جعلی بلوں اور کاغذی اسکیموں کے ذریعے نکال کر خردبرد کیے درخواست گزاروں کے مطابق ماروی ٹاؤن، ماڈل ٹاؤن اور یونین کونسل نمبر 5 کے مختلف علاقوں میں گزشتہ دو سال سے کوئی نمایاں ترقیاتی کام نہیں ہوا۔ نہ سڑکوں کی تعمیر ہوئی، نہ نالیوں کی صفائی، نہ اسپرے مہم اور نہ ہی بلدیاتی عملے کی مؤثر تعیناتی کی گئی شہریوں کا کہنا ہے کہ باوجود اس کے کہ فنڈز کے اجرا کے ریکارڈ موجود ہیں، عملی طور پر علاقے میں کوئی تبدیلی نہیں آئی۔ عوامی حلقوں کا الزام ہے کہ سرکاری بجٹ کو ذاتی مفاد میں استعمال کیا گیا، سرکاری فنڈز سے گاڑیاں خریدی گئیں اور اہلِ خانہ کو بیرونِ ملک بھیجا گیا اس معاملے پر سوشل میڈیا پر احتجاجی ویڈیوز تیزی سے وائرل ہو رہی ہیں، جن میں متاثرہ شہری چیئرمینوں کے خلاف نعرے بازی کرتے اور فوری کارروائی کا مطالبہ کرتے دکھائی دے رہے ہیں عدالت کی جانب سے جاری کردہ نوٹس میں واضح کیا گیا ہے کہ فریقین 19 نومبر 2025 صبح 8:30 بجے عدالت میں ذاتی حیثیت میں یا اپنے وکیل کے ذریعے پیش ہوں، بصورت دیگر مقدمہ ان کی غیر موجودگی میں سنا اور فیصلہ کیا جائے گا شہریوں نے اس عدالتی پیش رفت کا خیرمقدم کرتے ہوئے کہا ہے کہ “یہ انصاف کی طرف پہلا قدم ہے، اب وقت آ گیا ہے کہ عوامی پیسے کا حساب لیا جائے دوسری جانب ٹاؤن چیئرمین ممتاز جھنڈیر نے رابطہ کرنے پر بتایا کہ ہم نے اپنی یوسی 5 ٹاؤن میر شیر محمد تالپور میں بہت سارے کام کرواۓ ہیں جن سیوریج کا نظام نئ گڑ اور نالیاں سٹرکیں مچھر مار اسپرے و دیگر کام کرواۓ ہیں ہمارے مخالفین کو ہمارے کام پسند نہیں ہیں اور یہ بلاوجہ بغض رکھتے ہوۓ ہمارے خلاف پروپیگنڈا اور درخواستیں دیتے پھیر رہے ہیں انہوں نے کہا کہ ہم اپنی کارکردگی عدالت میں پیش کریں گے اور سرخرو ہونگے
