امیر جماعت اسلامی کراچی منعم ظفر خان اور، معزز مہمان گرامی کی خوصوصی شرکت
پچھلے 26 ماہ میں ناظم آباد ٹاؤن کے زیرِ انتظام یہ 22واں پارک ہے جس کا افتتاح کیا گیا ہے:منعم ظفر خان
ناظم آبادٹاؤن اور جماعت اسلامی کی قیادت قابلِ مبارکباد ہے کہ انہوں نے نہایت محدود وسائل میں بھی شاندار کارکردگی دکھائی:وجیہ حسن
پارک میں انڈور کرکٹ، اوپن ایئر جم اور بچوں کے کھیل کے لیے جدید انتظامات کیے گئے ہیں: سید محمد مظفر
مورخہ 03 نومبر 2025
کراچی( )ٹاؤ ن میونسپل کارپوریشن ناظم آباد کے تحت ناظم آباد میں ”صادقین پارک” کا شاندار افتتاح کیا گیا،صادقین پارک کا افتتاح امیر جماعت اسلامی کراچی منعم ظفر خا ن نے اپنے دستے مبارک سے کیا؎،اس موقع پر امیر جماعت اسلامی ضلع وسطی سید وجیہ حسن، معروف مصور و خطاط صادقینؒ صاحب کے بھتیجے سلطان صاحب،چیئر مین ناظم آباد ٹاؤن سید محمد مظفر،وائس چیئر مین ناظم آباد ٹاؤن محمد نعمان صدیقی،میونسپل کمشنر اطہر سعید خان، یوسی چیئر مینزوائس چیئر مینزافسران، معززینِ شہر، بزرگ، نوجوان، خواتین اور بچوں کی بڑی تعداد موجود تھی۔ افتتاحی تقریب میں خطاب کرتے ہوئے امیر جماعت اسلامی کراچی منعم ظفر خان نے کہا کہ یہ پارک اہلِ علاقہ کے لیے تفریح اور تازگی کا ایک قیمتی تحفہ ہے۔ ہمیں خوشی ہے کہ آج ہم نہ صرف صادقین صاحب کی یاد کو ایک نئی زندگی دے رہے ہیں بلکہ اس علاقے کے عوام کے لیے خوشیوں کا ایک نیا مرکز قائم کر رہے ہیں۔ پچھلے 26 ماہ میں ناظم آباد ٹاؤن کے زیرِ انتظام یہ 22واں پارک ہے جس کا افتتاح کیا گیا ہے، اور ہمارا مشن ہے کہ شہر کراچی کو سرسبز، روشن اور صاف ستھرا بنائیں، ہم انشائاللہ اپنی بساط سے بڑھ کر خدمت کرتے رہیں گے۔امیر جماعت اسلامی ضلع وسطی سید وجیہ حسن نے کہا کہ ناظم آبادٹاؤن اور جماعت اسلامی کی قیادت قابلِ مبارکباد ہے کہ انہوں نے نہایت محدود وسائل میں بھی شاندار کارکردگی دکھائی۔ اگر اختیارات اور وسائل عوامی نمائندوں کو دیے جائیں تو کراچی کے حالات بدل سکتے ہیں۔ ہم انشائاللہ اس شہر کو اس کے اصل مقام پر واپس لائیں گے۔چیئرمین سید محمد مظفر نے کہا صادقین پارک اہلِ علاقہ کے لیے خوشیوں، خوبصورتی اور تفریح کا نیا مرکز ہے۔ یہاں کے بچوں اور فیملیز کے لیے ہر سہولت فری فراہم کی گئی ہے۔ پارک میں انڈور کرکٹ، اوپن ایئر جم اور بچوں کے کھیل کے لیے جدید انتظامات کیے گئے ہیں۔ چونکہ یہ ایک‘نیبرہوڈ پارک’ہے، اس لیے اس کا مکمل انتظام اہلِ محلہ کے سپرد کیا گیا ہے۔ ہم چاہتے ہیں کہ یہ جگہ عوامی شمولیت کی مثال بنے۔تقریب میں اظہارِ خیال کرتے ہوئے صادقینؒ کے بھتیجے سلطان صاحب نے اپنے عظیم چچا کے فن، سادگی اور خدمات کو خراجِ عقیدت پیش کیا صادقینؒ نے اسلامی خطاطی کو ایک نئی جہت دی، ان کا فن صرف جمالیاتی اظہار نہیں بلکہ روحانی پیغام بھی تھا۔ یہ پارک ان کی یاد اور فن کے تسلسل کی علامت ہے، جو اہلِ ناظم آباد کے لیے ایک فخر کی بات ہے۔ جاری کردہ:۔ فہیم مصطفی
ڈائریکٹر انفارمیشن
ناظم آبادٹاؤن
