خیبرپختوانخواحکومت کی عدم دلچسپی سے صوبے میں تعلیم اور صحت جیسے بنیادی شعبے بھی بدترین زبوں حالی کا شکار ہیں۔صوبے کےہسپتالوں میں ناکافی سہولیات اورڈاکٹروں اورادویات کی کمی سے مسائل بڑھتے جارہے ہیں،عوام دوسرے صوبوں کوجانے پرمجبورہورہے ہیں۔
مچھروں کی بہتات اورموسم کی تبدیلی کی وجہ سےٹانک میں ڈینگی بخاراورملیریا نے وبائی شکل اختیار کر لی ہے۔ ہسپتالوں میں ادویات کی عدم دستیابی کی وجہ سے غریب مریضوں کو سخت مشکلات کا سامنا ہے ۔شہریوں نےشعبہ صحت کی خراب صورتحال پرتشویش کا اظہارکرتے ہوئے وزیراعلی سہیل آفریدی سے مطالبہ کیا ہے کہ وہ فوری طورپرہسپتالوں میں ڈاکٹروں اورطبی عملے کی کمی کوپوراکرنے کے ساتھ ساتھ ادویات کی فراہمی کویقینی بنائیں ۔
