دہلی پولیس کے سائبر سیل نے والد کے بینک اکاؤنٹ سے تقریباً 26 لاکھ 32 ہزار روپیہ نکالنے کے الزام میں 25 سالہ شِوام شرما کو گرفتار کر لیا ہے۔
پولیس کے مطابق متاثرہ شخص 68 سالہ سابق پارکنگ آپریٹر ہے جس نے محدود ڈیجیٹل مہارت کی بنیاد پر اپنے سوتیلے بیٹے کو بینک لین دین سنبھالنے کی ذمہ داری سونپی تھی، لیکن بیٹے نے اس اعتماد کا فائدہ اٹھاتے ہوئے چار ماہ کے دوران منظم طور پر ڈیجیٹل فراڈ کرکے 23 مارچ کو اپنے والد کی پہلی بیوی کے جنازے میں مصروف ہونے کے دوران بینک اکاؤنٹ سے منسلک سم کارڈ چوری کیا۔
ملزم نے ایمیزون اور فلپ کارٹ سے سونے کے سکے خریدے اور انہیں ایک الماری میں چھپا دیا اور تقریباً 6 لاکھ روپیہ نقد سائبرفی کیو آپریٹرز کے ذریعے منتقل کیا اور انہیں 10 فیصد کمیشن کی پیشکش کی، ڈیجیٹل شواہد مٹانے کے لیے سم کارڈ اور موبائل فون بھی تباہ کر دیا۔
رپورٹ کے مطابق شِوام نے اپنے والد کے ساتھ مل کر سائبر کرائم کی شکایت بھی درج کرائی، تاکہ خود پر شک ظاہر نہ ہو، ابتدائی تفتیش میں ملزم نے الزامات کی تردید کی، لیکن بعد میں اعتراف کر لیا، جس کے نتیجے میں چوری شدہ سونا اور رقم برآمد کی گئی۔
