لاڑکانہ (بیورو رپورٹ) اتحاد اهلسنت لاڑکانہ کی جانب سے سندھ کے مختلف درگاہوں کے سجادہ نشین پیر صاحبان اور ان کے مریدین، عقیدت مندوں اور عوام الناس کی جانب سے غزہ فلسطین کے مظلوم مسلمانوں پر اسرائیلی جارحیت کے خلاف سندھ کے مشہور بزرگ ھستی حضرت پیر مٹھا سائیں رحمت پور سے ایک عظیم الشان احتجاجی ریلی نکالی گئی۔ جس کی قیادت پیر مٹھا سائیں رحمت اللہ کے سجادہ نشین پیر عبدالغفار جان نقشبندی نے کی جبکہ درگاھ حسین آباد کے پیر سید نصر اللہ شاہ حسینی، صاحبزادہ خلیل الرحمن نقشبندی، صاحبزادہ محمد معصوم نقشبندی، صاحبزادہ محمد ادریس مشوری اور دیگر نے خطاب کرتے ہوئے کہا کہ غزہ کے مسلمانوں پر اسرائیل کے خلاف احتجاجی مظاہرے کیا گیا، انہوں نے کہا کہ غزہ، فلسطین کو لاوارث سمجھ کر بے گناھ مسلمانوں کا قتل کیا جا رہا ہے اور وقت کے حکمران عوام کی آنکھوں میں نمک پاشی کے لیے یہاں اور وہاں صرف سرکاری باتیں کر رہے ہیں۔ سوال یہ ہے کہ اقوام متحدہ کیا کر رہی ہے؟ مسلم ممالک مشترکہ طور پر اسرائیل اور امریکہ پر زور دیں تاکہ غزہ پر ظلم و بربریت کا باب ہمیشہ کے لیے ختم ہو جائے۔ رہنماؤں نے کہا کہ جماعت اہل سنت غزہ ہر محاذ اور ہر سطح پر فلسطین کے مظلوم مسلمانوں کے ساتھ اخلاقی طور پر متحد اور منظم ہے۔ ان کا کہنا تھا کہ غزہ، فلسطین کو بین الاقوامی سطح پر ایک ہی تشدد کا نشانہ بنایا گیا ہے۔ پوری دنیا میں غزہ فلسطین کے مظلوم مسلمانوں کے ساتھ اظہار یکجہتی کیا گیا ہے لیکن اس کے باوجود نام نہاد امریکہ کی آشیرباد سے اسرائیل نے مسلمانوں بالخصوص غزہ اور فلسطین کے مظلوم مسلمانوں پر ظلم، جبر اور بربریت کی خوفناک تاریخ دہرائی ہے۔ مسلم دنیا سمیت ہر قوم اسرائیل کی بربریت سے شدید غم و غصے میں مبتلا ہے۔
