سعودی عرب نے صارفین کے لیے نئی اے آئی ایپ ’ہیومین چیٹ‘ متعارف کروا دی ہے، جو عربی زبان میں گفتگو کے لیے تیار کی گئی ہے۔ رپورٹ کے مطابق یہ ایپ ’ہیومین‘ کے اے آئی سوٹ کی پہلی ایپلیکیشن ہے، جس کا ماڈل ’عالم 34 بی‘ پر مبنی ہے اور اسے مکمل طور پر سعودی ٹیم نے ملک میں تیار کیا ہے۔
ہیومین کمپنی مکمل طور پر سعودی پبلک انویسٹمنٹ فنڈ کی ملکیت ہے اور اسے مئی میں سعودی ولی عہد محمد بن سلمان نے لانچ کیا تھا۔ اس ایپ کا مقصد عربی زبان میں بڑے لینگویج ماڈلز کی تیاری اور سعودی عرب کو اے آئی کے عالمی مرکز کے طور پر متعارف کرانا ہے۔
یہ ایپ آئی او ایس اور اینڈرائیڈ ڈیوائسز کے ساتھ ویب براؤزر پر بھی دستیاب ہے اور آئندہ دیگر عربی بولنے والے ممالک میں بھی صارفین کے لیے متعارف کروائی جائے گی۔
