تفصیلات کے مطابق پیرس میں پی آئی اے کے طیارے میں فنی خرابی آ گئی تھی، جس پر طیارہ گراؤنڈ کرنا پڑا، 4 روز گزرنے کے باوجود طیارے کی فنی خرابی دور نہیں کی جا سکی ہے۔
=============
ذرائع کا کہنا ہےکہ بوئنگ 777 طیارے کے ایک انجن میں فنی خرابی پیدا ہوئی تھی، جس کے باعث طیارے کو پیرس ایئر پورٹ پر گراؤنڈ کر دیا گیا تھا، طیارہ گراؤنڈ ہونے کی وجہ سے پیرس سے لاہور اور اسلام آباد کی پروازوں کا شیڈول بری طرح متاثر ہو گیا ہے، ہزاروں ڈالر کے نقصان کے علاوہ پاکستان جانے والے مسافروں کو بھی شدید پریشانی کا سامنا کرنا پڑ رہا ہے۔
===========
For more news jeeveypakistan.com
===================
قومی ایئر لائن کے ترجمان نے کہا ہے کہ پیرس میں بوئنگ 777 طیارہ خراب ہونے کی وجہ سے شیڈول متاثر ہوا ہے، کراچی ایئرپورٹ کی آمد اور روانگی کی کئی پروازوں میں تاخیر رپورٹ کی گئی ہے، کراچی گوادر تربت سکھر کی 6 پروازوں کی روانگی میں چار تک گھنٹوں کی تاخیر ہوئی۔
کراچی سے تربت کی قومی ایئر کی پرواز پی کے 501 کی روانگی شام 4 بجے متوقع ہے، کراچی سے سکھر کی پرواز پی کے 536 کی روانگی میں پونے تین گھنٹے تاخیر ہے، کراچی لاہور کی پرواز پی ایف 142 کی روانگی میں 6 گھنٹے تاخیر ہے، اسلام آباد جدہ کی پرواز 801 کی روانگی میں 8 گھنٹے تاخیر کر دی گئی ہے۔
==============
Courtesy Ary news urdu
