پرتگال میں اربوں کا مالک کون ہے؟ طاقتور پاکستانیوں کے خفیہ اثاثے | جامی کے ساتھ لائیو
پرتگال میں اربوں کا مالک کون ہے؟ طاقتور پاکستانیوں کے خفیہ اثاثے | جامی کے ساتھ لائیو
Who Owns Billions in Portugal? Secret Assets of Powerful Pakistanis | Live With Jami – EP131
یہ انکشاف ہوا ہے کہ پاکستان کے ہزاروں بیوروکریٹس، تاجروں اور پائلٹس کے پرتگال اور دیگر ممالک میں خفیہ اثاثے اور دہری شہریتیں ہیں۔ حکومتی کمیٹیوں کے مطابق، دو ارب ڈالرز سے زائد غیرقانونی طور پر بیرون ملک منتقل کیے گئے ہیں۔ اس اسکینڈل میں پولیس افسران، وزیروں اور اعلیٰ عہدیداروں کے نام بھی سامنے آئے ہیں۔ زید گشکوری کی تحقیقات کے مطابق، پاکستانی ادارے اب ان لوگوں کی تفتیش کر رہے ہیں جو بیرون ملک جائیدادیں رکھتے ہیں۔
حکومت پاکستان نے حال ہی میں بیرون ملک اثاثوں اور دہری شہریت رکھنے والے افراد کے خلاف کارروائی کا فیصلہ کیا ہے۔ اس سلسلے میں ایف آئی اے، نیب اور اسٹیٹ بینک کی مالیاتی نگرانی یونٹ نے مشترکہ طور پر تحقیقات شروع کر دی ہیں۔ ابتدائی رپورٹس کے مطابق صرف پرتگال میں ہی تین لاکھ سے زائد پاکستانیوں نے شہریت حاصل کی ہے، جن میں سے بڑی تعداد بیوروکریٹس، سیاستدانوں اور کاروباری افراد کی ہے۔ ان میں سے کئی افراد کے نام پاکستان میں کرپشن کے بڑے مقدمات سے بھی جڑے ہوئے ہیں۔
ماہرین معیشت کا کہنا ہے کہ اگر یہ غیر قانونی طور پر منتقل کیے گئے فنڈز واپس مل جائیں تو پاکستان کو آئی ایم ایف جیسے اداروں سے قرضے لینے کی ضرورت نہیں رہے گی۔ تاہم، سوال یہ پیدا ہوتا ہے کہ کیا حکومت واقعی طاقتور افراد کے خلاف کارروائی کرنے کی ہمت کر پائے گی؟ عوام کی طرف سے دباؤ بڑھنے کے باوجود، اب تک صرف چھوٹے افسران ہی نشانے پر ہیں، جبکہ بڑے نام اب بھی تحقیقات سے محفوظ نظر آتے ہیں۔ اس معاملے میں شفافیت اور انصاف کی فراہمی ہی وہ کلید ہے جو پاکستان کو معاشی بدحالی سے نکال سکتی ہے۔
========================
بڑھتی آبادی اور اس کے مسائل سے نمٹنے کے لیے صوبوں کے تعاون سے حکمت عملی بنائی جائے، وزیراعظم
بڑھتی آبادی اور اس کے مسائل سے نمٹنے کے لیے صوبوں کے تعاون سے حکمت عملی بنائی جائے، وزیراعظم
اسلام آباد( نیوز رپورٹر)وزیراعظم شہباز شریف نے کہا ہے کہ پاکستان میں آبادی کے بڑھنے کی سالانہ شرح 2اعشاریہ 55 فیصد ہے۔ تیزی سے بڑھتی ہوئی آبادی کی ترقی اور اپنی معیشت کا فعال حصہ بنانے کیلئے منصوبہ بندی کی ضرورت ہے،ملکی آبادی کا بڑا حصہ نوجوانوں پر مشتمل ہے، نوجوان ہمارے ملک کا انتہائی اہم اور قیمتی اثاثہ ہیں، نوجوانوں کو ملکی معیشت کی ترقی کیلئے کردار ادا کرنے کے مواقع فراہم کرنے کیلئے متعدد اقدامات کئے جا رہے ہیں،خواتین ہماری افرادی قوت کا بہت بڑا حصہ ہیں،خواتین کو ملازمت کے زیادہ سے زیادہ مواقع فراہم کرنےکیلئے اقدامات کئے جائیں۔
====================
وزیرِاعظم محمد شہباز شریف کی وزارتِ انفارمیشن ٹیکنالوجی کی جانب سے برآمدات کے گزشتہ برس کے ہدف، 3.8 ارب ڈالر کے حصول کی پزیرائی، 30 ارب ڈالر کے ہدف کو عبور کرنے کیلئے آئندہ برسوں کے سالانہ اہداف اور درکار اقدامات پر جامع لائحہِ عمل پیش کرنے کی ہدایت
پاکستان کی ڈیجیٹائزیشن سے معیشت کی ترقی اور اسے عصری تقاضوں سے ہم آہنگ کرنے کیلئے ترجیحی بنیادوں پر اقدامات اٹھا رہے ہیں، وزیرِاعظم
آئی ٹی برآمدات کو 30 ارب ڈالر تک پہنچانے کیلئے پورا ڈیجیٹل ایکو سسٹم اور اسکا انفراسٹرکچر متعارف کروایا جارہا ہے، وزیرِاعظم
این آئی ٹی بی (NITB) کے بنیادی ڈھانچے کی ازسرِ نو تنظیم اور مارکیٹ سے بہترین افرادی قوت بھرتی کی جائے، وزیرِاعظم کی ہدایت
خوش آئند ہے کہ نوجوانوں بالخصوص خواتین کو آئی ٹی کے شعبے میں روزگار کے حوالے سے خود انحصار بنانے کیلئے سینٹرز قائم کئے گئے ہیں، وزیرِاعظم
ای-آفس کے اطلاق سے سرکاری دفاتر میں پیپر لیس گورننس کی بدولت وقت اور وسائل دونوں کی بچت ہو رہی ہے، وزیرِاعظم
ڈیجیٹل یوتھ ہب سے ہزاروں نوجوان باعزت روزگار حاصل کر رہے ہیں، وزیرِاعظم
نوجوانون کو انفارمیشن ٹیکنالوجی شعبے میں تعلیم و ہنر فراہم کرکے انہیں بین الاقوامی سطح پر مسابقت کی استعداد سے لیس کر رہے ہیں، وزیرِاعظم
وزیرِاعظم محمد شہباز شریف کی زیرِ صدارت این آئی ٹی بی اور وزارتِ انفارمیشن ٹیکنالوجی کے اقدامات کے حوالے سے اجلاس آج اسلام آباد میں منعقد ہوا۔
اجلاس میں وفاقی وزراء احد خان چیمہ، شزہ فاطمہ خواجہ، وزیرِاعظم کے کوارڈینیٹر مشرف زیدی اور متعلقہ اعلیٰ حکام نے شرکت کی۔
اجلاس کو این آئی ٹی بی کی ازسرِ نو تنظیم پر پیش رفت اور وزارتِ انفارمیشن ٹیکنالوجی کے اقدامات پر بریفنگ دی گئی۔
اجلاس کو بتایا گیا کہ مالی سال 2025 میں وزارت کے اقدامات کی بدولت پاکستان کی آئی ٹی شعبے کی برآمدات نے 19 فیصد نمو کے ساتھ 3.8 ارب ڈالر کا ہدف عبور کیا جبکہ ملک میں فری لانسرز کی تعداد میں 91 فیصد اضافہ ہوا۔
اجلاس کو مزید بتایا گیا کہ نیشنل انکیوبیشن سینٹر کے تحت 386 نئے اسٹارٹ اَپس کو معاونت فراہم کی گئی، 14 کو عالمی سطح پر بھیجا گیا جبکہ ملک کے 26 شہروں میں 40 ای-روزگار مراکز قائم کئے گئے۔
4 پاکستانی ٹیمز بلیک-ہیٹ ایم ای اے (Black Hat MEA) میں دنیا کی 50 بہترین ٹمیز میں شمار ہوئیں، جبکہ 700 ملین ڈالر کی سرمایہ کاری کے معاہدے و مفاہمتی یادداشتیں ہوئیں۔
اجلاس کو بتایا گیا کہ مجموعی طور پر تقریباً 3 لاکھ 15 ہزار طلباء و طالبات کو آئی ٹی کی پیشہ ورانہ تربیت فراہم کی گئی جس میں خواتین کو شعبہِ انفارمیںشن ٹیکنالوجی میں یکساں ترقی کے مواقع فراہم کرنے کیلئے تقریباً 1 لاکھ 15 ہزار خواتین بھی شامل ہیں۔
نیشنل انکیوبیشن سینٹر میں 130 خواتین کی سربراہی میں قائم اسٹارٹ-اَپس کو معاونت فراہم کی گئی جبکہ ملک بھر میں خواتین کیلئے خصوصی تربیتی مراکز بھی قائم کئے گئے، اجلاس کو مزید بتایا گیا کہ 2200 وفاقی سرکاری افسران و اہلکاروں کو تربیت فراہم کی گئی. اسی طرح تقریباً 3 ہزار طلباء و طالبات کو سائیبر سیکیورٹی میں تربیت دی گئی۔
گورننس کی بہتری کیلئے وزیرِاعظم کے ویژن کے مطابق ڈیجیٹائزیشن کے حوالے سے بریفنگ دیتے ہوئے بتایا گیا کہ پاک-ایپ (Pak-App) کے ذریعے 6.2 ارب روپے کا ٹیکس اکٹھا کیا گیا۔
وفاقی سرکاری دفاتر میں 98 فیصد ای-آفس کا اطلاق اور 51 ایسے نئے سسٹمز متعارف کروائے گئے جس سے گورننس کی بہتری میں معاونت ملے گی۔
ٹیلی کام سیکٹر کے بارے میں بریفنگ میں بتایا گیا کہ وزارت کے اقدامات کی بدولت گزشتہ برس میں 5 لاکھ 80 ہزار سے زائد لوگوں کی 4G تک رسائی کے ہدف کو عبور کیا گیا، گزشتہ مالی سال میں ٹیلی کام کنیکشنز نے 20 کروڑ کی حد کو عبور کیا، 10 لاکھ نئے انٹرنیٹ صارفین کے ساتھ ساتھ انٹرنیٹ کے استعمال میں 24 فیصد اضافہ ہوا۔
اجلاس کو این آئی ٹی بی کے حوالے سے آگاہ کرتے ہوئے بتایا گیا کہ ادارے میں عصری تقاضوں سے ہم آہنگ نئے نظام کی تشکیل پر کام تیزی سے جاری اور حتمی مراحل میں ہے اس وقت این آئی ٹی بی 179 سے زائد ویب سائٹس، 31 سے زائد موبائل ایپلیکیشنز، 113 سے زائد پوٹلز اور 57 کنسلٹینسی منصوبوں پر کام کر رہا ہے۔
این آئی ٹی بی کی ازسرِ نو تنظیم میں صارف کے تجربے کو بہترین، مستقبل کی تبدیلیوں کو ملحوظِ خاطر، جدید انفراسٹرکچر کی تعمیر، گورننس و سروس ڈیلیوری کی بہتری، سائبر سیکیورٹی، رسک مینجمنٹ، تحقیق، جدت اور افرادیِ قوت کی استعداد میں اضافے کو مد نظر رکھا جارہا ہے۔
وزیرِاعظم کی تمام اقدامات کی معینہ مدت میں تکمیل کو یقینی بنانے اور ملکی آئی ٹی برآمدات کو آئندہ برسوں میں 30 ارب ڈالر پر پہنچانے کیلئے بتدریج سالانہ اضافے پر مبنی اہداف کا لائحہ پیش کرنے کی ہدایت
======================
کراچی / وزیراعلیٰ ہاؤس / 8 اگست 2025ء
وزیراعلیٰ سندھ سید مراد علی شاہ قائد اعظم ہائوس میوزیم پہنچ گئے
سید مراد علی شاہ کی آمد پر خصوصی بچوں نے پھول پیش کئے، ترجمان وزیراعلیٰ سندھ
وزیر ثقافت ذوالفقار شاہ، سیکریٹری ڈی ای پی ڈی طحہ فاروقی، سیکریٹری کلچر خیر محمد نے وزیراعلیٰ کا استقبال کیا
حکومتِ سندھ کی جانب سے جشن آزادی اور “مارکۂ حق” کے سلسلے میں تقریب کا انعقاد کیا گیا ہے
وزیراعلیٰ سندھ سید مراد علی شاہ نے خصوصی بچوں کے ساتھ قومی پرچم لہرایا
پروگرام میں فلم اسٹار جاوید شیخ، معروف اداکار ایوب کوسو اور بچوں کے والدین شریک
پروگرام میں خصوصی بچوں نے قومی نغمہ پیش کیا، جس کی دُھن اور ساز بھی خود بچوں نے بجائے
پروگرام میں بچوں نے سندھی، پنجابی، بلوچی اور پشتو ثقافتی گیتوں پر خوبصورت ٹیبلوز پیش کیے
عبدالرشید چنا
ترجمان وزیراعلیٰ سندھ
#SindhCMHouse
کراچی / وزیراعلیٰ ہاؤس / 8 اگست 2025ء
حکومتِ سندھ کی جانب سے جشن آزادی اور “مارکۂ حق” کے سلسلے میں تقریب
وزیر ثقافت سید ذوالفقار علی شاہ کا خطاب
آج خصوصی بچے قائداعظم ہائوس میوزم پر اکٹھے ہوئے ہیں ، وزیر ثقافت سید ذوالفقار علی شاہ
پوری قوم خصوصاً یہ بچے قومی جذبے سے سرشار ہیں، وزیر ثقافت سید ذوالفقار علی شاہ
بچوں کی طرف سے گائے ہوئے ملی نغمے ان کے جذبے کا ثبوت ہیں، وزیر ثقافت سید ذوالفقار علی شاہ
عبدالرشید چنا
ترجمان وزیراعلیٰ سندھ
#SindhCMHouse
