چینی ذرائع ابلاغ کے مطابق، چین کی دفاعی صنعت نے ایک نیا جدید فضائی دفاعی میزائل نظام “HQ-29” تیار کرلیا ہے، جو خلا میں دشمن کے سیٹلائٹس اور ہائپرسونک رفتار سے چلنے والے بیلسٹک میزائلوں کو کامیابی سے نشانہ بنانے کی صلاحیت رکھتا ہے۔
اس پیش رفت کے بعد چین امریکا اور روس کے بعد دنیا کا تیسرا ملک بن چکا ہے جس کے پاس خلا میں دفاعی کارروائی کی صلاحیت رکھنے والا ائیر ڈیفنس سسٹم موجود ہے۔ “HQ-29” کو دفاعی ماہرین گیم چینجر قرار دے رہے ہیں جو چین کی فضائی حدود کو مزید محفوظ بنانے میں مددگار ثابت ہوگا۔
عسکری تجزیہ کاروں کا کہنا ہے کہ مستقبل میں پاکستان بھی اس جدید نظام میں دلچسپی لے سکتا ہے، تاکہ اپنے خطے میں ممکنہ خطرات، خاص طور پر بھارت کے تیز رفتار میزائلوں سے نمٹنے کے لیے ایک مؤثر دفاعی ڈھال حاصل کر سکے۔
چین اس وقت دفاعی ٹیکنالوجی کے میدان میں برق رفتاری سے ترقی کر رہا ہے، اور اس شعبے میں امریکا اور روس کے شانہ بشانہ کھڑا نظر آتا ہے۔ یہ نئی پیش رفت اس کے عالمی سپر پاور بننے کی سمت ایک اور بڑا قدم ہے۔
