ماہرانِ فلکیات نے حال ہی میں ایک قدیم کہکشاں دریافت کی ہے جو اربوں سال سے تقریباً اپنی اصل حالت میں برقرار ہے۔
یہ دریافت کائنات کے ارتقا کو سمجھنے میں ایک بڑی پیش رفت مانی جا رہی ہے۔ اس کہکشاں کو جیمز ویب اسپیس ٹیلی اسکوپ کے ذریعے دیکھا گیا، جو کائنات کے ابتدائی دور کی معلومات فراہم کرنے کی صلاحیت رکھتا ہے۔
اس کہکشاں کا نام
JADES-GS-z7-LA
ہے
جسے سائنسی اصطلاح میں
“relaxed fossil galaxy”
کہا جاتا ہے۔ یہ کہکشاں تقریباً 13 ارب سال پرانی ہے، یعنی اس وقت کائنات کی عمر صرف 70 ملین سال تھی۔
دلچسپ بات یہ ہے کہ اس کہکشاں میں ستاروں کی تخلیق کی رفتار بہت کم ہے۔ اس کی ساخت، شکل اور درجہ حرارت میں وقت کے ساتھ بہت کم تبدیلی آئی ہے، گویا یہ “وقت کے منجمد پل” میں موجود ہے۔
سائنسدانوں کا ماننا ہے کہ یہ کہکشاں اپنے ارتقائی مراحل کو جلد ہی مکمل کر چکی تھی اور اس پر کسی دوسری کہکشاں کے اثرات یا تصادم بھی نہیں ہوئے، جس کی وجہ سے یہ اپنی قدیم حالت میں محفوظ رہ سکی ہے۔
