پی اے اے کے ترجمان نے جیوے پاکستان ڈاٹ کام کی ایک حالیہ خبر پر تبصرہ کیا ہے جس میں مختلف ہوائی اڈوں پر مسافروں کے ناقص ہینڈلنگ کے بارے میں مسافروں کی شکایات ہیں کہ
پاکستان ائیر پورٹس اتھارٹی اپنی سطح پر ایئرلائنز اور گراؤنڈ ہینڈلنگ سروس فراہم کنندگان کے ساتھ مل کر بہترین سروس معیار کو یقینی بنانے اور مسافروں کی اطمینان بخش خدمت کے لیے پرعزم ہے
دراصل سافروں کے سامان کو محفوظ طریقے سے ہینڈل کرنے کی بنیادی ذمہ داری ایئرلائنز اور ان کے نامزد گراؤنڈ ہینڈلنگ ایجنٹس پر عائد ہوتی ہے۔ یہی ادارے ہوائی اڈوں پر سامان کو لوڈ، ان لوڈ اور منتقل کرنے کے ذمہ دار ہوتے ہیں۔
اگرچہ کبھی کبھار سامان کے نقصان یا خراب ہونے کی شکایات موصول ہوتی ہیں، تاہم ان کی تعداد روزانہ ہینڈل ہونے والے سامان کے حجم کے مقابلے میں بہت کم ہوتی ہے۔ اس کے باوجود ایسی شکایات کو سنجیدگی سے لیا جاتا ہے، اور مسافروں کو ہدایت کی جاتی ہے کہ وہ کسی بھی قسم کے نقصان کی صورت میں فوری طور پر ایئرلائن کے بیگیج سروس کاؤنٹر پر رپورٹ کریں۔
جہاں تک ریگولیٹری ادارے کا تعلق ہے، جیسے کہ پاکستان سول ایوی ایشن اتھارٹی (ائیر ٹرانسپورٹ) ان کا کردار یہ یقینی بنانا ہے کہ ایئرلائنز اور گراؤنڈ ہینڈلرز مقررہ قواعد و ضوابط اور کسٹمر سروس کے معیار کے مطابق کام کریں۔ یہ ادارہ سروس کوالٹی کی نگرانی کرتا ہے اور اگر غفلت یا خلاف ورزی کا کوئی تسلسل نظر آئے تو کارروائی بھی کر سکتے ہیں۔
پاکستان ائیر پورٹس اتھارٹی اپنی سطح پر ایئرلائنز اور گراؤنڈ ہینڈلنگ سروس فراہم کنندگان کے ساتھ مل کر بہترین سروس معیار کو یقینی بنانے اور مسافروں کی اطمینان بخش خدمت کے لیے پرعزم ہے🙂
