کراچی
مور خہ 23مئی 2025
وزیر توانائی ناصر شاہ کی زیر صدارت انرجی ڈپارٹمنٹ کے جاری ترقیاتی منصوبوں کا اعلیٰ سطحی جائزہ اجلاس
محکمہ توانائی کی تمام جاری ترقیاتی اسکیموں کو مقررہ وقت پر مکمل کیا جائے، ناصر حسین شاہ
کراچی 23 مئی ۔وزیر توانائی، ترقیات و منصوبہ بندی سید ناصر حسین شاہ نے کہا ہے کہ انرجی ڈپارٹمنٹ کی تمام جاری ترقیاتی منصوبوں کو مقررہ وقت پر مکمل کیا جائے اور اس سلسلے میں میرٹ اور شفافیت کا خاص خیال رکھا جائے۔ ان خیالات کا اظہار انھوں نے آج انرجی ڈپارٹمنٹ کے تمام جاری منصوبوں اور آئندہ مالی سال 26-2025 میں رکھی جانے والی اسکیموں کے حوالے سے منعقدہ ایک اعلیٰ سطحی جائزہ اجلاس کی صدارت کے موقع پر کیا۔ اجلاس میں چیئرمین پی اینڈ ڈی نجم احمد شاہ، سیکریٹری محکمہ توانائی مشتاق احمد سومرو، پروجیکٹ ڈائریکتر (ایس ایس ای پی) محفوظ قاضی ، سی ای او (ایس ٹی ڈی سی) سلیم شیخ کے علاوہ دیگر محکموں کے سربراہان بھی شریک تھے۔ وزیر توانائی کو اس موقع پر تمام متعلقہ افسران نے اپنے اپنے محکموں کی جانب سے جاری ترقیاتی اسکیموں کے حوالے سے تفصیلاً آگاہ کیا۔ اس موقع پر اجلاس کو آئندہ مالی سال 26-2025 میں رکھی جانے والی ترقیاتی اسکیموں کے حوالے سے بھی بریفنگ دی گئی۔ اس موقع پر وزیر توانائی نے ہدایت کی کہ جاری ترقیاتی اسکیموں میں حائل رکاوٹوں کو دور کیا جائے۔ اس موقع پر آئندہ مالی سال 26-2025 کیلئے تجویز کی گئی ترقیاتی منصوبوں کا بھی تفصیلی جائزہ لیا گیا۔ صوبائی وزیر نے مزید کہا کہ آئندہ اسکیموں کے حوالے سے تمام تر قانونی اور کاغذی کارروائی مکمل کی جائیں۔ اسکے علاوہ ورلڈ بینک کے تعاون سے جاری ادھوری اسکیموں کے بجٹ کے حوالے سے بھی تجاویز تیار کی جائیں تاکہ انھیں بھی مقررہ وقت پر مکمل کیا جائے۔ نجم احمد شاہ نے اس موقع پر کہا کہ وہ اور ان کا محکمہ ترقیاتی اسکیموں کی تیاری اور کاغذی کاروائیوں کے حوالے سے ہر ممکناً تعاون کیلئے تیار ہیں، کسی بھی مشکل کی صورت میں پی اینڈ ڈی کی ٹیکنیکل ٹیم سے رابطہ کیا جاسکتا ہے۔
ہینڈ آؤٹ نمبر 580۔۔۔
