22 مئی 2025
2024 میں برڈ ہٹ واقعات میں 15.46 فیصد کمی – جناح انٹرنیشنل ایئرپورٹ پر عیدالاضحیٰ سے قبل صفائی اور احتیاطی اقدامات کا جائزہ
جناح انٹرنیشنل ایئرپورٹ کراچی پر انوائرمنٹل کنٹرول کمیٹی کا اجلاس منعقد ہوا جس میں بتایا گیا کہ سال 2024 میں برڈ ہٹ کے واقعات میں 2023 کے مقابلے میں 15.46 فیصد کمی ریکارڈ کی گئی، جب کہ 2025 میں بھی مزید کمی کا رجحان جاری ہے۔
اجلاس میں عیدالاضحیٰ کے پیشِ نظر صفائی اور پرندوں سے ہوائی حادثات کی روک تھام کے اقدامات پر خصوصی توجہ دی گئی۔
قریبی مساجد میں جمعہ اور عید کے خطبات میں صفائی اور پرندوں سے طیاروں کے ٹکراؤ سے بچاؤ کے پیغامات شامل کرنے کی ہدایت جاری کی گئی۔
قریبی آبادیوں، ہوٹلوں، ریستورانوں اور دکانوں میں پمفلٹس کے ذریعے فوری آگاہی مہم شروع کرنے کا فیصلہ بھی کیا گیا۔
ایئرپورٹ کے اطراف کچرا کنڈیوں کی مکمل صفائی اور پرندوں کو متوجہ کرنے والے ممکنہ مقامات کی نشاندہی کے لیے فوری اقدامات کی ہدایت دی گئی۔
ایئرپورٹ کے اردگرد کبوتروں کو دانہ فروخت کرنے والوں کے خلاف سخت کارروائی کا حکم دیا گیا تاکہ پرندوں کی سرگرمی کو کم کیا جا سکے۔
کمیٹی نے ایئرپورٹ کے اطراف پرندوں کے مسکن کی روک تھام کے لیے اقدامات کو مزید مؤثر اور سخت بنانے پر زور دیا۔
پاکستان ایئرپورٹس اتھارٹی نے عیدالاضحیٰ کے موقع پر مقامی حکومت اور دیگر اسٹیک ہولڈرز کے ساتھ مل کر صاف اور محفوظ ماحول کو یقینی بنانے کے عزم کا اعادہ کیا۔
ترجمان
