21 مئی 2025
راولپنڈی
ڈاکٹر ملک ابرار حسین مرکزی صدر آل پاکستان پرائیویٹ سکولز اینڈ کالجز ایسوسی ایشن نے خضدار کی سکول بس پر خود کش حملے کی شدید الفاظ میں مذمت کی اور کہا کہ یہ حملہ پاکستان پر حملہ ہے،جس کا حساب لیا جائے،آپریشن بیان المرصوص” کے بعد بلوچستان میں ایک بھرپور “آپریشن کلین اپ” کی ضرورت ہے تاکہ دہشت گردوں کا مکمل خاتمہ ممکن ہو۔
انھوں نے اپنے بیان میں کہا کہ معصوم بچوں کی شہادتوں پر گہرے رنج و غم کااظہار کرتے ہیں،شہداء کے خون کا حساب لیا جائے،یہ حملہ پاکستان پر حملہ ہے،خدشہ ہے کہ اس میں بھارت ملوث ہے ،بھارت عالمی امن پر مسلسل حملہ آور ہے، اقوامِ متحدہ مودی کو جنگی مجرم قرار دے۔ان کا مزید کہنا تھا کہ مکروہ دشمن آپریشن بنیان مرصوص میں بدترین ہزیمت کا بدلہ چکا رہا ہے۔ دہشتگرد بھارت امن وتعلیم کا دشمن ہے۔ اسکول بس پر حمہ سے متاثر ہونے والے خاندانوں کے ساتھ کھڑے ہیں۔انہوں نے کہا کہ معصوم بچوں کی شہادت اس بات کی علامت ہے کہ دشمن کسی بھی سفاکانہ اقدام سے گریز نہیں کر رہا۔ “ایسے عناصر انسانیت اور رحم دلی سے عاری ہیں، ڈاکٹر ابرار حسین نے تجویز دی کہ “آپریشن بیان المرصوص” کے بعد بلوچستان میں ایک بھرپور “آپریشن کلین اپ” کی ضرورت ہے تاکہ دہشت گردوں کا مکمل خاتمہ ممکن ہو۔ پوری قوم، حکومت اور ریاستی ادارے مل کر بلوچستان کو دہشت گردی سے پاک کر کے دم لیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کیپشن:
ڈاکٹر ملک ابرار حسین مرکزی صدر آل پاکستان پرائیویٹ سکولز اینڈ کالجز ایسوسی ایشن اظہار خیال کرتے ہوئے۔
