22 مئی 2025
راولپنڈی
ایپسما اور روح فورم کے اشتراک سے دی ایمبلم ہائیر سیکنڈری سکول حیدری چوک میں پاکستان ہمیشہ زندہ آباد سیمینار کا انعقاد کیا گیا ۔جس میں سی ای او ڈسٹرکٹ ایجوکیشن اتھارٹی راولپنڈی امان اللہ خان چھینہ نے بطور مہمان خصوصی شرکت کی دیگر مہمانان گرامی میں ایپسما شمالی پنجاب کے صدر ابرار احمد خان ، ڈی ای او سیکنڈری ڈاکٹر گل احمد ، ڈی ای او ایلمنٹری ڈاکٹر اظہر، کرنل ر مرتضی علی شاہ ، چوہدری محمد فرقان ، عامر انور ، ابرار احمد ایڈووکیٹ ، مسز سکینہ تاج ، ڈپٹی ڈی ای او محمد آصف ، طارق شاہین، عدنان نثار ,صدر ایپکا ضلع راولپنڈی ملک ارشاد سلطان ،حافظ محمد یاسین ، آغا شھاب مقصود ، نعیم قریشی ، محمد ذیشان و دیگر بھی شریک ہوئے۔ سی ای او ایجوکیشن امان اللہ خان چھینہ نے کہا کہ اللہ تعالیٰ کا بے حد شکر ہے کہ اس نے ہمیں اقوام عالم میں عزت و شرف سے نوازا ، سپہ سالار سید عاصم منیر کی بہترین حکمت عملی، دور اندیشی اور قرآنی روح ہر عمل پیرا ہونےکی بدولت دشمن کو ذلت آمیز شکست سے دوچار کیا ہے۔ ہمیں اپنی افواج پر فخر ہے۔ اپنی نوجوان نسل کی صحیح خطوط پر تربیت سے ہی ہم بلند مقام حاصل کرسکتے ہیں ۔ ایپسما شمالی پنجاب کے صدر ابرار احمد خان نے کہا کہ ہم اللہ ربّ العزت کا جتنا شکر ادا کریں کم ہے کہ اس نے ہمیں ہماری زندگیوں میں ہی ہمارے دشمن کی عبرت ناک شکست کو خوبصورت نظارہ دکھایا۔ ایپسما اور اس سے وابستہ تعلیمی اداروں کے اساتذہ ، طلباء وطالبات اس وطن پر اپنا تن من دھن قربان کرنے کے لیے تیار ہیں۔ روح فورم کے سرپرست اعلیٰ کرنل ر مرتضی علی شاہ نے کہا کہ اب وقت آگیا ہے کہ ہم اپنے نوجوانوں کو قرآن و صاحب قرآن سے جوڑنے کی کوشش کریں محبت رسول ہی بندہ مومن کی اصل طاقت ہے ۔ مرکزی صدر ایپکا واجد علی عباسی نے ابرار احمد خان کو راولپنڈی میں پاکستان زندہ آباد ریلی نکالنے پر مبارکباد پیش کی اور کہا کہ ایپسما نے ثابت کردیا ہے کہ کوئی تنظیم ایپسما کا ہم پلہ نہیں ہوسکتی۔تقریب سے مرکزی سینئر نائب صدر محمد فرقان چوہدری ، ابرار احمد ایڈووکیٹ ، ماہر اقبالیات نعیم قریشی ، کپس کالج کے پرنسپل محمد ذیشان ، مسز سکینہ تاج ، مسز آفتاب ، راجہ عبدالحبیب نے بھی خطاب کیا.
۔۔۔۔۔۔۔۔۔۔۔۔۔۔۔۔۔۔۔۔۔۔۔
