مورو واقعے کے بعد نوشہرو فیروز میں دفعہ 144 نافذ
نواب شاہ (محمد انورشیخ بیورورپورٹ )کمشنر ندیم احمد ابڑو نے ضلع نوشہرو فیروز میں کسی بھی قسم کی ریلیوں، دھرنوں، احتجاجی مظاہروں اور 5سے زائد افراد کے اکٹھے ہونے کے علاؤہ اسلحے کی نمائش پر دفعہ 144کے تحت 30دن کے لیے پابندی عائد کردی کمشنر افس سے جاری نوٹیفکیشن کے مطابق خلاف ورزی کرنیوالوں کیخلاف کاروائی اور شکایت درج کرنے کیلئے پولیس کو احکامات دئے گئے ہیں۔
مورو،پولیس،قوم پرست جماعت جھڑپ، ہلاک شخص کی لاش ورثا لے گئے
نواب شاہ (بیورو رپورٹ )مورو میں قوم پرست جماعت کے کارکنوں اور پولیس کے درمیان تصادم میں جاں بحق شخص زاہد لغاری کا پیپلز میڈیکل اسپتال میں مورو ڈسٹرکٹ اسپتال کے ڈاکٹروں کی ٹیم نے پوسٹ مارٹم کیا نعش ورثاء کے حوالے کر دی گئی میڈیکل سپریٹینڈنٹ پیپلز میڈیکل اسپتال ڈاکٹر یار علی جمالی نے جنگ کو بتایا کہ گزشتہ روز مورو میں قوم پرست جماعت اور پولیس کے درمیان ہونیوالے تصادم کے سات زخمی جبکہ زاہد لغاری نامی شخص کی لاش لائی گئی تھی تاہم زاہد لغاری کے ورثاء پوسٹ مارٹم کرائے بغیر لاش لے گئے
=================
چرس پینے کا الزام؛ سینیٹر ایمل ولی خان کا چیئرمین پی ٹی اے کے استعفے کا مطالبہ
سربراہ عوامی نیشنل پارٹی نے میجر جنرل ریٹائرڈ حفیظ الرحمان کیخلاف چیئرمین سینیٹ کو تحریکِ استحقاق پیش کردی
چرس پینے کا الزام؛ سینیٹر ایمل ولی خان کا چیئرمین پی ٹی اے کے استعفے ..
اسلام آباد – عوامی نیشنل پارٹی کے سربراہ سینیٹر ایمل ولی خان نے چرس پینے کے الزام پر چیئرمین پی ٹی اے کے استعفے کا مطالبہ کردیا۔ تفصیلات کے مطابق چیئرمین آغا شاہزیب درانی کی زیر صدارت سینیٹ کی قائمہ کمیٹی کا اجلاس ہوا جہاں چیئرمین پی ٹی اے نے الزام عائد کرتے ہوئے کہا کہ ’ایمل ولی چرس کا سگریٹ پی کر کمیٹی اجلاس میں آئے ہیں، مجھے بھی چرس کا سگریٹ دیں‘، چیئرمین پی ٹی اے کی جانب سے چرس پینے کا الزام عائد کیے جانے وار طنزیہ رویہ اختیار کرتے ہوئے چیئرمین قائمہ کمیٹی سے چرس کے سگریٹ کا تقاضا کرنے پر سینیٹر ایمل ولی خان چیئرمین پی ٹی اے پر بھڑک اٹھے اور انہیں مخاطب کرتے ہوئے کہا کہ ’آپ کو تکلیف کیا ہے؟ ایک سرکاری ملازم مجھے کیسے کہہ سکتا ہے کہ تم چرس پی کر آئے ہو؟‘۔
عوامی نیشنل پارٹی کے سربراہ نے کہا کہ ’ایک سرکاری افسر کا یہ انداز بالکل قابل قبول نہیں، آپ کو یہ جرات کس نے دی ہے کہ ایسے بات کریں؟‘، اس پر چیئرمین پی ٹی اے سینیٹر ایمل ولی خان سے بار بار معافی مانگتے رہے اور کہا کہ ’مجھ سے غلطی ہوگئی ہے‘، تاہم سینیٹر ایمل ولی نے کہا کہ ’اگر آپ چرس اور شراب پیتے ہیں تو ایسی باتیں کیا کریں‘، اس کے ساتھ ہی انہوں نے قائمہ کمیٹی سے چیئرمین پی ٹی اے کے خلاف کارروائی کا مطالبہ کیا۔
سربراہ عوامی نیشنل پارٹی نے کہا کہ ’چیئرمین پی ٹی اے اجلاس میں رہے گا یا میں رہوں گا‘، اس پر چیئرمین پی ٹی اے میجر جنرل ریٹائرڈ حفیظ الرحمان کو قائمہ کمیٹی کا اجلاس چھوڑ کر جانا پڑا، چیئرمین قائمہ کمیٹی نے چیئرمین پی ٹی اے کی بدتمیزی کا معاملہ وزیراعظم کے سامنے اٹھانے کا فیصلہ کیا، اس کے علاوہ انہوں نے قائمہ کمیٹی کی سیکرٹری آئی ٹی کو بھی معاملے کا نوٹس لینے کی ہدایت کی اور کہا کہ ’چیئرمین پی ٹی اے کے رویہ کی مذمت کرتے ہیں، چیئرمین پی ٹی اے نے سینیٹر ایمل ولی کی ہی نہیں بلکہ پوری قائمہ کمیٹی کی توہین کی ہے، وزیراعظم چیئرمین پی ٹی اے کے خلاف ایکشن لیں۔
بتایا گیا ہے کہ اب اس معاملے میں نئی پیشرفت سامنے آئی ہے جس کے تحت عوامی نیشنل پارٹی کے سربراہ سینیٹر ایمل ولی خان نے چرس پینے کے سنگین الزام لگانے پر چیئرمین پی ٹی اے میجر جنرل ریٹائرڈ حفیظ الرحمان کے استعفے کا مطالبہ کر دیا، اس حوالے سے سینیٹر ایمل ولی خان کی جانب سے چیئرمین سینیٹ کو تحریکِ استحقاق پیش کر دی گئی۔
