سابق صدر عارف علوی انکی اہلیہ اور بچوں کے بینک اکاؤنٹس منجمد کردیئے گئے- روز مرہ کے اخراجات پورے کرنے مشکل ہو گئے
سندھ ہائی کورٹ نے سابق صدر عارف علوی اور اہلخانہ کے بینک اکاؤنٹس منجمد کرنے کیخلاف ایف آئی اے نیشنل سائبر کرائم ونگ اور بینکس کو نوٹس جاری کر دیئے۔ درخواست گزار کے وکیل بیرسٹر علی طاہر نے کہا کہ پوری فیملی کے اکاؤنٹس منجمد کرنے سے روز مرہ کے اخراجات پورے کرنے مشکل ہو گئے ہیں۔ عدالت نے ریمارکس میں کہا کہ آپکو بھی تو فیس کی ادائیگی کی گئی ہوگی۔ ہائیکورٹ میں سابق صدر عارف علوی اور اہلخانہ کے بینک اکاؤنٹس منجمد کرنے کیخلاف درخواست کی سماعت ہوئی۔ درخواست گزار کے وکیل بیرسٹر علی طاہر نے کہا کہ سابق صدر عارف علوی انکی اہلیہ اور بچوں کے بینک اکاؤنٹس منجمد کردیئے گئے ہیں۔
====================
پاکستان دشمنی میں اہم کردار آر ایس ایس کا ہے، انوار الحق کاکڑ
نوشین یوسف
سینیٹر انوار الحق کاکڑ نے کہا ہے کہ بھارت کی عوام پاکستان کی دشمن نہیں، پاکستان دشمنی میں اہم کردار آر ایس ایس کا ہے۔
سینیٹ اجلاس میں اظہار خیال کرتے ہوئے انوارالحق کاکڑ نے کہا کہ ہمارے معصوم بچوں کی شہادت کی صورت میں انتہائی دلخراش واقعہ ہوا، آخر کیوں یہ ہو رہا ہے، حالیہ پاک بھارت کشیدگی ہوئی اور پہلگام کا بہانہ بنا کر بھارت پاکستان پر حملہ آور ہوا گیا۔
انوار الحق کاکڑ نے کہا کہ ہندوتوا کی 100 سال کی نظریات میں لوگوں کو شدت پسند بنایا گیا، اس کے تانے بانے بین الاقومی آرڈر کو چیلنج کرنے جا رہے ہیں، بی جے پی نے آر ایس ایس کا فلسفہ اپنایا، یہ آر ایس ایس کی فکری اساس بھارتی اداروں اور سیاسی جماعتوں میں پھیلا رہے ہیں۔
بھارتی سرپرستی، خودکش حملہ، 5 شہید، خضدار میں آرمی پبلک اسکول بس نشانہ، 3 بچیاں شامل، 53 زخمی، دہشت گردوں کو انجام تک پہنچائیں گے، وزیراعظم
انہوں نے کہا کہ ریاست پاکستان قائداعظم اور علامہ اقبال نے تشکیل دی، حالیہ دنوں میں فیلڈ مارشل عاصم منیر نے دو قومی نظریے پر گفتگو کی، یہ ان کے ذہن کی چیز نہیں بلکہ ایک تاریخ تھی، اس کی آر ایس ایس کو بہت تکلیف ہوئی۔
انوارالحق کاکڑ نے مزید کہا کہ وزیراعظم کی جانب سے سید عاصم منیر کو فیلڈ مارشل کا اعزاز دینا قابل تحسین ہے۔
==========================
ڈاکٹروں کا شاہ محمود قریشی کو ہسپتال سے ڈسچارج کرنے کا فیصلہ، اہل خانہ و وکلاء کا فیصلے پر تشویش کا اظہار
شاہ محمود قریشی کی صحت کو درپیش خطرات کو نظرانداز کیا جا رہا ہے اور انہیں قبل از وقت ہسپتال سے واپس جیل منتقل کرنے کی کوشش کی جا رہی ہے، شاہ محمود قریشی کا بلڈ پریشر اور ہارٹ ریٹ اب بھی معمول سے زیادہ ہے،اہل خانہ و وکلا
ڈاکٹروں کا شاہ محمود قریشی کو ہسپتال سے ڈسچارج کرنے کا فیصلہ، اہل خانہ ..
لاہور-پنجاب انسٹی ٹیوٹ آف کارڈیالوجی کے ڈاکٹروں کا پاکستان تحریک انصاف کے رہنماءشاہ محمود قریشی کو طبی معائنہ مکمل ہونے کے بعد ہسپتال سے ڈسچارج کرنے کا فیصلہ،اہل خانہ و وکلاءکا فیصلے پر تشویش کااظہار،خاندان کی جانب سے بھی خدشات ظاہر کئے جا رہے ہیں کہ شاہ محمود قریشی کی صحت کو درپیش خطرات کو نظرانداز کیا جا رہا ہے اور انہیں قبل از وقت ہسپتال سے واپس جیل منتقل کرنے کی کوشش کی جا رہی ہے۔
اس حوالے سے وکیل رانا مدثر کا بھی کہنا ہے کہ شاہ محمود قریشی کا بلڈ پریشر اور ہارٹ ریٹ اب بھی معمول سے زیادہ ہے۔ گزشتہ روزبھی ان کے متعدد ٹیسٹ کئے گئے تھے جن کی رپورٹس تاحال موصول نہیں ہوئیں۔ انہوں نے سوال اٹھایا کہ رپورٹس دیکھے بغیر ہسپتال سے ڈسچارج کرنے کا فیصلہ کیسے کیا جا سکتا ہے؟۔
چند روزقبل پاکستان تحریک انصاف کے سینئر رہنما شاہ محمود قریشی کو دل کی تکلیف کے باعث کوٹ لکھپت جیل سے ہسپتال منتقل کیا گیا تھا۔
وکیل رانا مدثر ایڈووکیٹ کا کہنا تھا کہ پاکستان تحریک انصاف کے سینئر رہنما شاہ محمود قریشی کو دل میں تکلیف کے باعث جیل سے پنجاب انسٹی ٹیوٹ آف کارڈیالوجی منتقل کیا گیا تھا۔وکیل کا یہ بھی بتانا تھا کہ شاہ محمود قریشی کو نماز فجر کے بعد پی آئی سی منتقل کیا گیاتھا۔جیل کے ڈاکٹروں نے ان کا معائنہ کیاتھا طبیعت نہ سنبھلنے پر شاہ محمود قریشی کو فوری طور پرریسکیو 1122 کے ذریعے پی آئی سی منتقل کیا گیا تھا۔
جیل انتظامیہ نے شاہ محمود قریشی کے اہل خانہ کو بھی اطلاع دے دی گئی تھی۔پنجاب انسٹیٹیوٹ آف کارڈیالوجی میں ماہر ڈاکٹرز کی ٹیم نے شاہ محمود قریشی کا تفصیلی طبی معائنہ کیاتھا جہاں ان کی ای سی جی نارمل آئی جبکہ ٹروپ آئی، ایل ایف ٹی، آر ایف ٹی اور سی بی سی سمیت دیگر اہم ٹیسٹ کئے گئے تھے۔ہسپتال ذرائع کا بھی کہنا تھا کہ پی ٹی آئی رہنما کی حالت اب مستحکم ہے اور وہ ڈاکٹروں کی زیر نگرانی میں تھے۔
حتمی طبی رپورٹس موصول ہونے کے بعد ان کی ممکنہ ڈسچارج یا مزید علاج سے متعلق فیصلہ کیا جائے گا۔وکیل رانا مدثر کا بھی کہنا تھا کہ پی آئی سی میں شاہ محمود قریشی کے مختلف ٹیسٹ کئے گئے تھے اور ان کی حالت کا بغور جائزہ لیا گیاتھا۔بعدازاں ڈاکٹروں نے شاہ محمود قریشی کو پنجاب انسٹی ٹیوٹ آف کارڈیالوجی میں ابتدائی طبی امداد فراہم کئے جانے کے بعدان کو ہسپتال میں داخل کر لیا تھا اوران کے مختلف قسم کے ٹیسٹ بھی کئے گئے تھے۔پی ٹی آئی رہنماءشاہ محمود قریشی اس وقت مختلف مقدمات کے باعث کوٹ لکھپت جیل میں قید تھے۔
