کراچی کی کچی آبادیوں میں طبی سہولت کا نیا سفر، سائیکل ایمبولینس متعارف
یہ منصوبہ ریسکیو 1122 کی جانب سے متعارف کرایا گیا ہے،
کریم ملک
کراچی کی گنجان آباد بستیوں اور تنگ گلیوں میں ہنگامی طبی امداد کی فوری فراہمی کے لیے سائیکل ایمبولینس سروس کا آغاز کر دیا گیا ہے۔ یہ منصوبہ ریسکیو 1122 کی جانب سے متعارف کرایا گیا ہے۔ جس کا مقصد ان علاقوں میں بروقت رسائی ممکن بنانا ہے جہاں روایتی ایمبولینسز پہنچنے میں مشکلات کا سامنا کرتی ہیں۔
اس منفرد سروس کی خاص بات یہ ہے کہ سائیکل ایمبولینسز کو تربیت یافتہ خواتین رضاکار چلا رہی ہیں۔ یہ ایمبولینسز بظاہر سائیکلیں ضرور ہیں، لیکن ان میں طبی امداد کا مکمل سامان موجود ہے، جن میں آکسیجن ماسک، شوگر ٹیسٹنگ کٹ، نیبولائزر اور دیگر ضروری طبی آلات شامل ہیں۔
ریسکیو 1122 کے سی ای او بریگیڈیئر طارق قادر کے مطابق یہ سروس نہ صرف ہنگامی طبی سہولیات کی فراہمی کو بہتر بنائے گی بلکہ ماحول دوست بھی ہے اور خواتین کی خودمختاری کی علامت بھی۔ ان کا کہنا تھا کہ یہ اقدام صحت کی سہولیات کو عام آدمی تک پہنچانے کی جانب ایک اہم قدم ہے۔
خاتون رضاکاروں نے بھی اس اقدام کو کارِ خیر قرار دیتے ہوئے کہا ہے کہ وہ فخر کے ساتھ یہ خدمت انجام دے رہی ہیں اور عوام کی مدد کو اپنی اولین ترجیح سمجھتی ہیں۔
ریسکیو 1122 کے اس اقدام کو شہریوں کی جانب سے بھی سراہا جا رہا ہے، جو اسے کچی آبادیوں میں صحت کی سہولیات تک رسائی کی جانب ایک عملی اور موثر قدم قرار دے رہے ہیں۔
سائیکل ایمیولینس سروس نہ صرف فوری طبی امدا فراہم کرنے کا ذریعہ ہے، بلکہ یہ خواتین کی خود مختاری سماجی تبدیلی کی بہتری کا بھی مظہر ہے۔
https://www.aaj.tv/news/30461529/
karachi
Women Rescuers
Cycle Ambulance in Karachi
کراچی: گھر سے 12 سال کی بچی کی پھندا لگی لاش ملی
دانیال سید
کراچی کے علاقے سرجانی میں گھر سے 12 سال کی بچی کی پھندا لگی لاش ملی، پولیس نے پوسٹ مارٹم کروانے کے بعد لاش ورثاء کے حوالے کردی ، ابتدائی پوسٹ مارٹم رپورٹ کے مطابق بچی نے خودکشی ہی کی ہے، زیادتی یا قتل کے کوئی شواہد نہیں ملے۔
متوفیہ بچی کی شناخت 12 سال کی مہک کے نام سے ہوئی، جو اپنے تایا کے ساتھ سرجانی ٹاؤن میں رہائش پذیر تھی۔
اہل خانہ نے بتایا ہے کہ گھر کے ساتھ ہی چیز کی دکان ہے جہاں مہک کام سنبھالے ہوئی تھی۔
یہ بھی پڑھیے
کورنگی، گارمنٹس کارخانہ کے مالک کی لاش ملی
کورنگی، گھر کے باہر نوجوان کی لاش ملی، پہلی بیوی کے بھائیوں نے قتل کیا، والد
پولیس نے جائے وقوعہ سے شواہد جمع کرکے بچی کی لاش پوسٹ مارٹم کے لیے عباسی اسپتال منتقل کی، ابتدائی پوسٹ مارٹم میں اسپتال انتظامیہ کا بتانا ہے کہ بچی کے جسم پر نا ہی کوئی تشدد کے نشان ہیں اور نا ہی زیادتی کے کوئی شواہد ملے ہیں۔
دوسری جانب متوفیہ بچی کے تایا کا میڈیا سے گفتگو میں بتانا تھا کہ بیوی کے شور سے اٹھا تو پتہ چلا کہ مہک کی لاش دوپٹے سے لٹکی ہوئی ہے، والد نے بتایا کہ ہماری کسی سے کوئی دشمنی نہیں ہے۔
