ائیر پنجاب اسی سال شروع ہوگی فیصل آباد گجرانوالہ میں میٹرو چلے گی پنجاب میں دل کا سب سے بڑا ہسپتال بنا رہے ہیں سیاحتی شہر کی حیثیت سے لاہور کو دنیا نے چن لیا ہے
وزیراعلیٰ پنجاب مریم نواز شریف کی زیرِ صدارت پاکستان مسلم لیگ (ن)کی پارلیمانی پارٹی کا اجلاس
وزیراعلیٰ مریم نواز کی ارکان اسمبلی سے انکی نشستوں پر جا کر ملاقات، حال احوال دریافت کیا،آ پریشن بنیان مرصوص کے شہدا کیلئے فاتحہ خوانی
محمد نواز شریف، وزیر اعظم محمد شہباز شریف اورفیلڈ مارشل سید عاصم منیر کو زبردست خراج تحسین، 80 سے زائد ڈویلپمنٹ پراجیکٹ شروع کرنے پر ارکان اسمبلی کا اظہار تشکر
وفاقی معاون خصوصی برائے سیاسی اموررانا ثنا ء اللہ نے وزیر اعلیٰ مریم نواز کے عام آدمی کی بھلائی کے اقدامات کو سراہا، سپیکر پنجاب اسمبلی ملک محمد احمد خان نے بھی شکریہ ادا کیا
وزیراعلیٰ مریم نواز شریف کی ارکان اسمبلی کوپہلے جامع اور منفردبیوٹی فکیشن پلان اور ہر پراجیکٹ پر خودتین گھٹنے طویل بریفنگ
بیوٹی فکیشن پلان کے تحت ہر ڈسٹرکٹ کے بازاروں میں لٹکتے بے ہنگم بجلی کے تار انڈر گراؤنڈ کیے جائیں گے، ہر تحصیل میں ریڑھی بازار قائم اور مختلف شہروں میں کینالز کو سجایا جائیگا
بیوٹی فکیشن پلان کے تحت بازاروں کی ری ماڈلنگ، انفراسٹرکچر میں بہتری لائی جائے گی اور فوڈ سٹریٹ بھی قائم کی جائیں گی
وزیراعلیٰ مریم نوازشریف کا پارلیمانی پارٹی کے اجلاس میں صوبے میں متعددبڑے پراجیکٹس شروع کرنے کااعلان
صوبہ بھر میں پنجاب ڈویلپمنٹ پلان لانے کا اعلان، 60-شہروں میں پنجاب ڈویلپمنٹ پراجیکٹ اسی سال مکمل کرنے کا فیصلہ
سال کے آخر تک ایک لاکھ گھروں کی تعمیر کا ہدف مکمل کرنے،پنجاب کے 800 گاؤں کو ماڈل ویلج بنانے،نادار اور ضرورت مندوں کیلئے راشن کارڈ لانچ کرنے کا اعلان
فیصل آباد اور گوجرانوالہ میں میٹرو بس سروس جلد شروع کرنے، لاہور کینال روڈ پر اے آر ٹی ٹرانسپورٹ پراجیکٹ جلد شروع کرنے کا اعلان
اگلے سال سے سڑکوں کی تعمیر و توسیع کیلئے ڈھائی سو ارب کے فنڈز دینے،ہر بڑے شہر میں واسا قائم کرنے،ہرڈویڑن میں سینٹر آف ایکسی لنس کنڈرگارٹن کیمپس بنانے کا اعلان
کوئی ڈسٹرکٹ یا تحصیل بیوٹی فکیشن پلان سے محروم نہیں رہے گا، ارکان اسمبلی میرے بہن، بھائیوں کی طرح اور آنکھیں اور کان کے مترادف ہیں: مریم نوازشریف
جرائم پیشہ افراد کے خلاف بے رحمانہ آپریشن کرینگے،شرپسند عناصر پنجاب میں بدامنی پھیلانے کی کوشش کرتے ہیں،چند ماہ میں پنجاب کے سب شہر سیف سٹی ہونگے
جووعدہ کروں گی پورا کروں گی، تجاوزات کے خاتمے سے صوبہ بھر میں بازار کھلے اور عوام خوش ہیں،ستھرا پنجاب کو روز بروز بہتر سے بہترین بنانے کی کوشش کررہے ہیں
8ہزار پر مشتمل پیرا فورس انسداد تجاوزات،پرائس کنٹرول اور دیگر امور کے لئے کام شروع کرنے کیلئے تیار، عوام کا پیسہ اب عوام پر ہی خرچ ہورہا ہے
لاہور ڈویلپمنٹ پلان کے تحت6 ہزار گلیاں کی تعمیر ومرمت اورانڈرگراؤنڈ واٹر ٹینک، سیور وغیرہ بن رہے ہیں، لاہور میں 450 کلومیٹر طویل سیور لائن ڈالی جارہی ہے
ایک ایک پیسہ عوام کی امانت ہے، سوچ سمجھ کر خرچ کرنا ہے، نیک نیتی سے کام کررہے ہیں اللہ تعالیٰ ضرور اجر دے گا: وزیراعلیٰ مریم نوازشریف کی گفتگو
لاہور21 – مئی:…… وزیراعلیٰ پنجاب مریم نواز شریف کی زیرِ صدارت پاکستان مسلم لیگ (ن)کی پارلیمانی پارٹی کا اجلاس منعقد ہوا۔ پاکستان مسلم لیگ (ن) پارلیمانی پارٹی کے اجلاس میں آپریشن بنیان مرصوص کے شہدا کے لئے فاتحہ خوانی کی گئی۔ وزیراعلیٰ مریم نواز شریف نے ارکان اسمبلی کوپہلے جامع اور منفردبیوٹی فکیشن پلان اور ہر پراجیکٹ کے بارے میں خودتین گھٹنے طویل بریفنگ دی۔اجلاس میں گفتگو کرتے ہوئے وزیراعلیٰ مریم نوازشریف نے بتایا کہ بیوٹی فکیشن پلان کے تحت ہر ڈسٹرکٹ کے بازاروں میں لٹکتے بے ہنگم بجلی کے تار انڈر گراؤنڈ کیے جائیں گے۔ ہر ڈسٹرکٹ اور تحصیل میں ریڑھی بازار قائم ہوگا اور مختلف شہروں میں کینالز کوبھی سجایا جائے گا۔ بیوٹی فکیشن پلان کے تحت بازاروں کی ری ماڈلنگ، انفراسٹرکچر میں بہتری لائی جائے گی اور فوڈ سٹریٹ بھی قائم کی جائیں گی۔ وزیراعلیٰ مریم نواز شریف نے پارلیمانی پارٹی کے اجلاس میں ارکان اسمبلی سے انکی نشستوں پر جا کر ملاقات کی اور ارکان اسمبلی سے حال احوال دریافت کیا۔ ارکان اسمبلی نے آپریشن بنیان مرصوص کی کامیابی پر مبارکباد پیش کی۔ ارکان اسمبلی نے قائد محمد نواز شریف، وزیر اعظم محمد شہباز شریف اورفیلڈ مارشل سید عاصم منیر کو زبردست خراج تحسین پیش کیا۔ ارکان اسمبلی نے بیک وقت 80 سے زائدبڑے ڈویلپمنٹ پراجیکٹ شروع کرنے پر وزیراعلیٰ مریم نوازشریف کا شکریہ ادا کیا۔ وزیراعلیٰ مریم نواز شریف نے پاکستان مسلم لیگ(ن) کی پارلیمانی پارٹی اجلاس میں صوبہ بھر میں نئے پراجیکٹس لانے کے اعلانات کیے۔ صوبہ بھر میں پنجاب ڈویلپمنٹ پلان لانے کا اعلان کیا۔ 60-شہروں میں پنجاب ڈویلپمنٹ پراجیکٹ اسی سال مکمل کرنے کا فیصلہ کیا گیا۔ وزیراعلیٰ مریم نواز شریف نے پنجاب کے 800 گاؤں کو بتدریج ماڈل ویلج بنانے کا اعلان کیا۔ ارکان اسمبلی کی مشاورت سے دیہات میں 400کلو میٹر چھوٹی رابط سڑکوں کی تعمیر و توسیع کا اعلان کیا۔ وزیراعلیٰ مریم نوازشریف نے اگلے سال سے سڑکوں کی تعمیر و توسیع کیلئے ڈھائی سو ارب کے فنڈز دینے کا اعلان کیا۔اجلاس میں 1100 الیکٹرک بسیں پنجاب کے تمام اضلاع کو دینے کا اعلان کیا۔ سال کے آخر تک ایک لاکھ گھروں کی تعمیر کا ہدف مکمل کرنے کے عزم کا اعادہ کیا گیا۔ فیصل آباد اور گوجرانوالہ میں میٹرو بس سروس جلد شروع کرنے کا اعلان کیا۔ لاہور کینال روڈ پر اے آر ٹی ٹرانسپورٹ پراجیکٹ بھی جلد شروع کرنے کا اعلان کیا۔ وزیراعلیٰ مریم نوازشریف نے پنجاب بھر میں نادار اور ضرورت مندوں کے لئے راشن کارڈ جلد لانچ کرنے کا اعلان کیا۔ ہر بڑے شہر میں واسا قائم کرنے کا اعلان کیا۔ہرڈویڑن میں سینٹر آف ایکسی لنس کنڈرگارٹن کیمپس بنانے کا اعلان کیا۔ وزیراعلیٰ مریم نوازشریف نے پارلیمانی پارٹی کے اجلاس سے خطاب کرتے ہوئے کہا کہ جو وعدہ کروں گی پورا کروں گی۔ تجاوزات کے خاتمے سے صوبہ بھر میں بازار کھلے اور عوام خوش ہیں۔ پنجاب کے دور دراز علاقوں میں پانی کی فراہمی یقینی بنائیں گے۔ ستھرا پنجاب کو روز بروز بہتر سے بہترین بنانے کی کوشش کررہے ہیں۔ شہروں کے بعد پہلی مرتبہ گاؤں کو بھی صفائی پروگرام میں شامل کیا گیا۔ وزیراعلیٰ مریم نوازشریف نے کہا کہ کوئی ڈسٹرکٹ یا تحصیل بیوٹی فکیشن پلان سے محروم نہیں رہے گا۔ ارکان اسمبلی میرے بہن، بھائیوں کی طرح اور آنکھیں اور کان کے مترادف ہیں۔ انہوں نے کہا کہ جرائم پیشہ افراد کے خلاف بے رحمانہ آپریشن کرینگے۔ شرپسند عناصر پنجاب میں بدامنی پھیلانے کی کوشش کرتے ہیں۔ سی ٹی ڈی کو مضبوط بنا یا، صوبہ بھر میں کومبنگ آپریشن ہورہے ہیں۔ چند ماہ میں پنجاب کے سب شہر سیف سٹی ہونگے۔ پنجاب میں مؤثر اینٹی نارکوٹکس فورس کو متحرک کردیا گیا۔ بے زبان جانوروں کے تحفظ کی بھی مؤثر مہم جاری ہے۔ وزیراعلیٰ مریم نوازشریف نے کہا کہ 8ہزار پر مشتمل پیرا فورس انسداد تجاوزات،پرائس کنٹرول اور دیگر امور کے لئے کام شروع کرنے کے لئے تیار ہے۔لاہور ڈویلپمنٹ پلان کے تحت6 ہزار گلیاں، سیور اور واٹر ٹینک وغیرہ بن رہے ہیں۔ عوام کا پیسہ اب عوام پر ہی خرچ ہورہا ہے۔ ایک ایک پیسہ عوام کی امانت ہے، سوچ سمجھ کر خرچ کرنا ہے۔ نیک نیتی سے کام کررہے ہیں اللہ تعالیٰ ضرور اجر دے گا۔ رمضان پیکج کی شفافیت کی ماضی میں مثال نہیں ملتی۔ وزیراعلیٰ مریم نوازشریف نے کہا کہ عوام کے ساتھ ساتھ کاشتکاروں کا مفاد بھی پیش نظر ہے۔ لاہور میں 450 کلومیٹر تک سیور لائن ڈالی جارہی ہے۔ عوام کی خدمت میں معاونت کرنے والی ٹیم کا بھی شکریہ ادا کرتی ہوں۔معاون خصوصی برائے سیاسی اموررانا ثنا ء اللہ نے وزیر اعلیٰ مریم نواز شریف کے عام آدمی کی بھلائی کے اقدامات کو سراہا۔ سپیکر پنجاب اسمبلی ملک محمد احمد خان نے وزیر اعلیٰ مریم نواز شریف کا شکریہ ادا کیا۔ اجلاس میں رکن پنجاب اسمبلی ارشد وڑائچ مرحوم اور ایم پی اے فیصل کے والد مرحوم کے لئے بھی دعا مغفرت کی گئی۔
***
=======================
وزیراعلیٰ پنجاب محترمہ مریم نواز شریف نے پاکستان مسلم لیگ (ن) کی پارلیمانی پارٹی کے اجلاس سے خطاب کرتے ہوئے صوبے کی ترقی کے لیے اہم منصوبوں کا اعلان کیا۔ انہوں نے کہا کہ “ائیر پنجاب” اسی سال شروع ہوگی، جو صوبے کے عوام کے لیے ایک بڑی سہولت ہوگی۔
اس کے علاوہ، فیصل آباد اور گجرانوالہ میں میٹرو بس سروس کا آغاز کیا جائے گا، جس سے شہریوں کو جدید اور آرام دہ سفر کی سہولت میسر آئے گی۔ وزیراعلیٰ نے یہ بھی بتایا کہ پنجاب میں دل کا سب سے بڑا ہسپتال تعمیر کیا جارہا ہے، جہاں عالمی معیار کی طبی سہولیات فراہم کی جائیں گی۔
لاہور کی خوبصورتی اور ثقافتی اہمیت کو دیکھتے ہوئے انہوں نے کہا کہ “دنیا نے لاہور کو سیاحتی شہر کی حیثیت سے چن لیا ہے”، جو پاکستان کے لیے ایک اعزاز ہے۔
یہ تمام اقدامات عوام کی زندگیوں میں خوشحالی لانے اور پنجاب کو ترقی کی نئی بلندیوں پر لے جانے کے لیے اٹھائے گئے ہیں۔ اللہ پاکستان اور پنجاب کو مزید ترقی دے! 🇵🇰💚
#پنجاب_ترقی_کی_راہ_پر
#مریم_نواز_شریف
==============================
وزیراعلی پنجاب مریم نواز شریف کا ہیٹ ویو کے پیش نظر الرٹ رہنے کا حکم
وزیراعلی مریم نواز شریف کی عوام سے احتیاطی تدابیر اختیار کرنے کی اپیل
وزیراعلی مریم نواز شریف کی بچوں کو گھر میں محدود رکھنے کی ہدایت
وزیراعلی مریم نواز شریف کا تمام سرکاری ونجی سکولوں میں اوپن ایئر سرگرمیاں معطل کرنے کا حکم
وزیراعلی مریم نواز شریف کی تمام کلاس روم میں کم از کم پنکھے فنکشنل کرنے کی ہدایت
طلبہ کے لئے سخت گرمی کے پیش نظرڈریس کوڈ میں نرمی برتنے کی ہدایت
وزیراعلی مریم نواز شریف کی ہر سکول میں فرسٹ ایڈ باکس کی موجودگی یقینی بنانے کا حکم
وزیراعلی مریم نواز شریف کا انتظامیہ کو پر ہجوم بازاروں میں سایہ، او آر ایس ملا پانی ، فرسٹ ایڈ کاونٹر اور واٹر کولر فراہم کرنے کا حکم
وزیراعلی مریم نواز شریف کا صوبہ بھر میں ریسکیو 1122 اور ہیلتھ سروسز کو الرٹ رکھنے کا حکم
وزیراعلی مریم نواز شریف کی ٹرانسپورٹ ڈیپارٹمنٹ کو تمام بس اور ویگن سٹینڈ میں سایہ، پانی اور مسٹ فین یقینی بنانے کی ہدایت
وزیراعلی مریم نواز شریف کی ملتان اور بہاولپور ڈویژن میں کاشت کار بھائیوں کو سخت گرمی کے پیش نظر احتیاط برتنے کی ہدایت
وزیراعلی مریم نواز شریف کا فارمز کو مویشیوں کے لئے سایہ اور وافر پانی مہیاء کرنے کی اپیل
وزیراعلی مریم نواز شریف کی عوام کو چھتوں پر پرندوں کے لئے پانی رکھنے کی ہدایت
=====================
ہینڈ آؤٹ نمبر418
وزیر اعلیٰ پنجاب مریم نواز شریف کا وزیر اعلیٰ بلوچستان میر سرفراز بگٹی سے ٹیلیفونک رابطہ
وزیر اعلیٰ مریم نواز شریف کی خضدار میں اسکول وین پر دہشت گردوں کے حملے کی شدید مذمت اور بھرپور تعاون کی یقین دہانی
سانحہ میں زخمی افراد کے علاج میں تعاون کی پیشکش، اس مشکل گھڑی میں بلوچستان کے بہن بھائیوں کے ساتھ کھڑے ہیں:وزیر اعلیٰ مریم نواز
وزیر اعلیٰ مریم نواز شریف کی زخمیوں کی جلد صحت یابی کے لیے دعااور سوگوار خاندانوں سے ہمدردی ا ور تعزیت کا اظہار
لاہور 21مئی:……وزیر اعلیٰ پنجاب مریم نواز شریف نے وزیر اعلیٰ بلوچستان میر سرفراز بگٹی سے ٹیلیفونک رابطہ کیااور خضدار میں اسکول وین پر دہشت گردوں کے حملے کی شدید مذمت کی ہے۔وزیراعلی مریم نواز شریف نے وزیراعلی بلوچستان میر سرفراز بگٹی کواس مشکل گھڑی میں بھرپور تعاون کی یقین دہانی کرائی ہے۔وزیراعلی نے دہشت گردوں کے خلاف اقدامات میں معاونت کی پیشکش کی ہے۔وزیراعلی مریم نواز شریف نے سانحے میں ہونے والے زخمی افراد کے علاج میں تعاون کی پیشکش بھی کی ہے۔وزیر اعلیٰ مریم نواز شریف نے کہا کہ اس مشکل گھڑی میں بلوچستان کے بہن بھائیوں کے ساتھ کھڑے ہیں۔انہو ں نے کہا کہ شہید بچوں کے والدین کے دکھ کو محسوس کر سکتی ہوں۔وزیر اعلیٰ نے زخمیوں کی جلد صحت یابی کے لیے دعاکی اور سوگوار خاندانوں سے ہمدردی ا ور تعزیت کا اظہار کیا ہے۔
٭٭٭٭
===================
