پرائم منسٹر آفس
(میڈیا ونگ)
اسلام آباد: 21 مئی 2025۔
وزیراعظم محمد شہباز شریف کی زیرِ صدارت کم لاگت رہائشی منصوبوں کیلئے ہاوسنگ شعبے کی ترقی پر قائم کردہ ٹاسک فورس کا جائزہ اجلاس.
حکومت کی اولین ترجیح ہے کہ کم لاگت ہاؤسنگ منصوبوں سے گھروں کے حصول میں آسانی پیدا کرے. وزیرِاعظم
کم لاگت ہاؤسنگ منصوبوں سے نہ صرف رہائشی منصوبے عام آدمی کی دسترس میں آئیں گے بلکہ ملکی معیشت ترقی کرے گی اور روزگار کے مواقع پیدا ہونگے. وزیرِاعظم
ٹاسک فورس وزارت خزانہ اور بینکوں کے ساتھ مل کر کم لاگت رہائشی منصوبوں کی فنانسنگ کی سفارشات جلد پیش کرے جسے بجٹ تجاویز کا حصہ بنایا جائے. وزیرِ اعظم کی ہدایت.
ملکی معیشت کی پائیدار ترقی کیلئے تعمیراتی شعبے کی ترقی کلیدی اہمیت رکھتی ہے. وزیرِاعظم
وزیراعظم محمد شہباز شریف کی زیرِ صدارت کم لاگت رہائشی منصوبوں کیلئے ہاوسنگ کی ٹاسک فورس کا جائزہ اجلاس آج اسلام آباد میں منعقد ہوا.
اجلاس میں وزیرِ اعظم کو حکومت کی جانب سے کم لاگت رہائشی منصوبوں کے اقدامات پر پیش رفت سے آگاہ کیا گیا. اجلاس کو بتایا گیا کہ کنڈومونیم ایکٹ (Condomonuim Act) 2025 اور فور کلوژئر قانون (Foreclosure Law) میں ترامیم اپنے حتمی مراحل میں ہیں جن کی منظوری کے بعد کم لاگت رہائشی منصوبوں کے تحت گھروں کی تعمیر و ملکیت کیلئے قرضوں کا حصول آسان ہوگا.
اجلاس کو ٹاسک فورس کی جانب سے تعمیراتی شعبے بالخصوص کم لاگت رہائشی منصوبوں کے آغاز سے متعلق اب تک کی پیش رفت پر بھی بریفنگ دی گئی.
اجلاس میں وفاقی وزراء احسن اقبال، ریاض حسین پیرزادہ، احد خان چیمہ، محمد اورنگزیب، علی پرویز ملک، چیئرمین ایف بی آر اور متعلقہ اعلی حکام نے شرکت کی.
=======================
کریم آباد انڈر پاس کیلئے فوری ایک ارب روپے جاری کرنے کی منظوری
21 مئی ، 2025FacebookTwitterWhatsapp
کراچی (طاہر عزیز/اسٹاف رپورٹر) سندھ کابینہ نے کراچی میں کریم آباد انڈر پاس کیلئے فوری ایک ارب روپے جاری کرنے کی منظوری دیدی۔ انڈرپاس کے تعمیراتی کام کا آغاز اگست 2024 میں ہوا تھا اور اسے دو سال میں مکمل کیا جانا ہے70 فی صد کام مکمل ہو چکا ہےتاہم کل لاگت 3 ارب 81 کروڑ روپے میں سے اب تک ایک ارب 35 کروڑ روپے جاری ہو سکے ہیں اسکی تعمیر کے ڈی اے کے سپرد کی گئی ہے۔ ذرائع کا بتانا تھا کہ اگر تمام فنڈز جاری کر دئے جائیں تو اسے اگست 2025میں ٹریفک کیلئے کھو لا جا سکتا ہےورنہ یہ اگست2026 تک ہی مکمل ہو سکے گا۔واضح رہے شہر کا گنجان علاقہ ہونے کے باعث ان دنوں شہریوں کو کریم آباد چورنگی پر ٹریفک کے بہت زیادہ مسائل کا سامناہے۔ لوگوں کا کہنا ہے کہ حکومت سندھ اس کے تما م فنڈ جاری کرکے اسے جلد مکمل کرائے ۔
=====================
اسلام آباد: 21 مئی 2025۔
وزیراعظم محمد شہباز شریف کی خضدار میں اسکول بس پر بھارتی سرپرستی میں کام کرنے والے دہشتگردوں کے بزدلانہ حملے کی شدید الفاظ میں مذمت.
وزیراعظم کا دھشتگرد حملے میں معصوم بچوں اور انکے اساتذہ کی شہادت پر رنج و ملال کا اظہار.
وزیرِ اعظم کا بچوں کے والدین کے ساتھ ہمدردی کا اظہار، ذمہ داران کے فوری تعین اور انہیں قرار واقعی سزا دلوانے کی ہدایت.
وزیراعظم کی واقعے میں زخمیوں کو ترجیحی بنیادوں پر فوری طبی امداد فراہم کرنے کے ہدایت.
بھارتی سرپرستی میں کام کرنے والے دھشتگردوں کا اسکول بس میں معصوم بچوں پر حملہ انکی بلوچستان میں تعلیم دشمنی کا منہ بولتا ثبوت ہے. وزیرِ اعظم
دھشتگردوں نے اسکول بس پر حملہ کرکے درندگی کی تمام حدیں پار کیں. وزیرِ اعظم
بھارتی سرپرستی میں پلنے والے ان دھشتگردوں کو ان کے انجام تک پہنچا کر دم لیں گے. وزیرِ اعظم
بھارتی حمایت یافتہ ان دھشتگردوں کے بلوچستان کے امن کو خراب کرنے کے ناپاک عزائم کو خاک میں ملانے کیلئے کوئی کسر نہیں چھوڑی جائے گی. وزیرِ اعظم
پاکستان کے مستقبل، ننھے و معصوم بچوں کو نشانہ بنانے والے ان دھشتگردوں کو کیفر کردار تک پہنچایا جائے گا. وزیرِ اعظم
مجھ سمیت پوری قوم کی ہمدردیاں دھشتگردوں کی بربریت کا نشانہ بننے والے ان معصوم بچوں کے اہل خانہ کے ساتھ ہیں. وزیرِ اعظم
سیکیورٹی فورسز اور حکومت پاکستان ملک سے دہشتگردی کے مکمل خاتمے کے لیے پر عزم اور متحد ہیں، وزیراعظم
پرائم منسٹر آفس
(میڈیا ونگ)
اسلام آباد: 21 مئی 2025۔
وزیراعظم محمد شہباز شریف اور فیلڈ مارشل سید عاصم منیر آج کوئٹہ کا ہنگامی دورہ کریں گے.
وزیرِ اعظم اور فیلڈ مارشل کو خضدار میں بھارتی سرپرستی میں سرگرم دھشتگردوں کی جانب سے اسکول کی بچیوں اور اساتذہ پر حملے کے حوالے سے بریفنگ دی جائے گی.
وزیرِ اعظم اور فیلڈ مارشل حملے میں زخمی ہونے والوں کی عیادت بھی کریں گے.
فیلڈ مارشل سید عاصم منیر کے اعزاز میں آج شام ایوان صدر میں منعقد ہونے والی تقریب کو خضدار میں اندوہناک حملے کی وجہ سے انہی کی درخواست پر مؤخر کر دیا گیا.
