بیوروکریسی کے 28 ہیروں کی تراش خراش کا کام شروع ، جوہری کی نظر نے ان کو پرکھ لیا
نیشنل سیکورٹی اینڈ وار کورس کیلئے گریڈ 20کے 28افسر نامزد
اسلام آ باد -سینئر بیورو کریسی کیلئے اہم خبر ہے کہ اسٹیبلشمنٹ ڈویژن نے بیوروکریٹس کی گریڈ 20 سے 21 میں ترقی کیلئے لازمی نیشنل سیکیورٹی اینڈ وار کورس 2025-26 کیلئے مختلف سروسز اور گروپس کے گریڈ 20 کے 28 افسر نامزد کردیے ہیںکمشنر لاہور زید بن مقصود، جوائنٹ سیکرٹری یحییٰ اخونزادہ، کمشنر ڈی جی خان ناصر محمود ،کمشنر حیدر آبادبلال احمد ،محمد عباس ودیگر شامل ہیں ۔ پاکستان ایڈمنسٹریٹو سروس کے 4افسروں کمشنر لاہور زید بن مقصود، جوائنٹ سیکرٹری اقتصادی امور ڈویژن یحییٰ اخونزادہ، کمشنر ڈی جی خان ناصر محمود بشیراور کمشنر حیدر آبادبلال احمد کو نامزد کیاگیا ۔ پولیس سروس آف پاکستان کے4افسروں ڈی آئی جی (آئی ٹی) سندھ، کیپٹن (ر) پرویز احمد، ایڈیشنل آئی جی پی (سی ٹی ڈی) خیبرپختونخوا حکومت، شوکت عباس، ڈائریکٹر ایف آئی اے بلوچستان زون عمران محموداور ڈی آئی جی ویلفیئر خیبرپختونخوا، محمد کاشف مشتاق کانجو کی نامزدگی کی گئی ۔ سیکریٹریٹ گروپ گریڈ 20کے افسر اور کمشنر افغان مہاجرین محمد عباس خان اور جوائنٹ سیکرٹری اسٹیبلشمنٹ ڈویژن طارق محمودکو نامزد کیاگیا ہے۔
================
چین نے ارونا چل پردیش میں علاقوں کے چینی نام رکھ دیئے
ابیجنگ – چینی حکومت نے بھارت کے شمال مشرقی ریاست اروناچل پردیش، جسے چین “زنگنان” کا حصہ قرار دیتا ہے، میں متعدد مقامات کے نام تبدیل کرتے ہوئے ان کے چینی ناموں کا اعلان کر دیا ہے۔ چینی وزارت خارجہ کا کہنا ہے کہ یہ اقدام چین کی خودمختاری اور داخلی معاملہ ہے، کیونکہ زنگنان تاریخی، جغرافیائی اور انتظامی طور پر چین کا حصہ ہے۔وزارت خارجہ کی جانب سے جاری بیان میں کہا گیا کہ ان علاقوں کو چینی زبان میں نئے نام دینا چین کے حقِ خودمختاری کا اظہار ہے اور یہ فیصلہ کسی بیرونی دباؤ کے تحت نہیں کیا گیا۔ چینی حکام کے مطابق یہ اقدام قومی سالمیت اور علاقائی شناخت کے تحفظ کے لیے ضروری تھا۔دوسری جانب، بھارت نے چین کے اس اعلان کو مسترد کرتے ہوئے ایک بار پھر اروناچل پردیش کو بھارت کا اٹوٹ انگ قرار دیا ہے۔
