کراچی( )یومِ تشکّر کے موقع پر کراچی واٹر اینڈ سیوریج کارپوریشن کے افسران و ملازمین نے افواجِ پاکستان کو بھارت کے خلاف تاریخی فتح پر شاندار خراجِ عقیدت پیش کیا سی ای او واٹر کارپوریشن احمد علی صدیقی اور سی او او واٹر کارپوریشن انجینئر اسداللہ خان نے مسلح افواج کی جرأت قربانیوں اور پیشہ ورانہ مہارت کو سراہتے ہوئے قومی اتحاد اور یکجہتی کے پیغام کو عام کرنے کا عزم دہرایا اس موقع پر چیف آف آرمی اسٹاف جنرل سید عاصم منیر کی قیادت میں حاصل ہونے والی تاریخی فتح پر واٹر کارپوریشن حکام کا کہنا تھا کہ یہ کامیابی قوم کے لیے فخر کا باعث ہے کیونکہ افواجِ پاکستان نے پوری قوم کا سر فخر سے بلند کردیا ہے انہوں نے کہا بھارت کو شکست دینا پاک فوج کی شجاعت نظم و ضبط اور قیادت کا منہ بولتا ثبوت ہے جبکہ ملکی سلامتی کے لیے افواجِ پاکستان کی قربانیاں ناقابلِ فراموش ہیں انکا کہنا تھا کہ یومِ تشکّر وطنِ عزیز سے محبت اتحاد اور یگانگت کی علامت ہے اور ہمیں اس دن اپنے عہد کی تجدید کرنی چاہیے کہ ہم وطن کے لیے ہر قسم کی قربانی دینے کے لیے ہمیشہ تیار ہیں انہوں نے مزید کہا کہ پوری قوم کو افواجِ پاکستان پر ناز ہے اور ہم سب اُن کے ساتھ کھڑے ہیں۔
