سابق ڈائریکٹر جنرل ہیلتھ سروسزپنجاب ڈاکٹر زاہد پرویز نےجناح ہسپتال کے نزدیک جدید سہولیات سے آراستہ ، صادق میڈیکل اینڈ ڈینٹل سٹیشن کا افتتاح کردیا۔

لاہور()سابق ڈائریکٹر جنرل ہیلتھ سروسزپنجاب ڈاکٹر زاہد پرویز نےجناح ہسپتال کے نزدیک جدید سہولیات سے آراستہ ،
صادق میڈیکل اینڈ ڈینٹل سٹیشن کا افتتاح کردیا۔اس موقع پر سابق پرنسپل ڈی مونٹ میرنسی انسٹیٹیوٹ آف ڈینٹل ہیلتھ پروفیسر وحید الحمید، ڈاکٹر سلمان شاہد سابق ایڈیشنل سیکرٹری ٹیکنیکل ھیلتھ ، ڈاکٹر سعید علوی ڈائریکٹر جناح ہسپتال لاہور ، ڈاکٹر توقیرایستھیٹک سرجن، بلال عابد سی ای او بشیر سنز چین آف فارمیسیز، ڈاکٹر راؤ عدنان شاہد اے ایم ایس یونیورسٹی آف لاھور ٹیچنگ ہسپتال اور دیگر ڈاکٹرز و سماجی شخصیات نے شرکت کی اس موقع پر اپنے خطاب میں ڈاکٹر زاہد پرویز نے ڈاکٹر صادق سلمان کی پزیرائی کی اور ان کو مبارک باد دی جبکہ
ڈاکٹر صادق سلمان نے کہا کہ وہ غریب اور مستحق افراد کا علاج مفت یا رعایتی نرخوں پر کریں گے۔آخر میں دعا کی گئی اور ڈاکٹر زاہد پرویز اور پروفیسر وحید الحمید نے ڈاکٹرز شیلڈز تقسیم کیں۔واضح رہے ڈاکٹر صادق سلمان ،سابق ایڈشنل سیکرٹری ٹیکنیکل محکمہ صحت پنجاب ڈاکٹر سلمان شاہد کے صاحب زادے اور ڈاکٹر راؤ عدنان شاہد کے بھتیجے ہیں۔