روٹری کلب کے صدر عبدالحمید اسلم کو “بسٹ گولڈ کلب پریزیڈنٹ ایوارڈ” سے نوازا گیا
کراچی: روتری ڈسٹرکٹ کانفرنس میں روتری کلب آف کراچی ساؤتھ کے صدر عبدالحمید اسلم کو “بسٹ گولڈ کلب پریزیڈنٹ ایوارڈ” سے نوازا گیا۔ یہ اعزاز انہیں پی سی ہوٹل میں منعقدہ تقریب میں روتری انٹرنیشنل پریزیڈنٹ کی نمائندہ ٹینا فشلن (RIPR) نے پیش کیا، جو خصوصاً یہ ایوارڈ دینے کے لیے امریکہ سے تشریف لائی تھیں۔
اس موقع پر سابق RI ڈائریکٹر محمد فیض کڈوی اور روتری ڈسٹرکٹ گورنر رضوان اڈھیا بھی موجود تھے۔
عبدالحمید اسلم نے روتری کلب آف کراچی ساؤتھ کے صدر کی حیثیت سے چوتھی بار یہ اعزاز حاصل کیا ہے، اور ان کی قیادت میں کلب نے مسلسل چار مرتبہ “بسٹ کلب پریزیڈنٹ ایوارڈ” جیت کر ایک نئی تاریخ رقم کی ہے۔ ان کی انتھک محنت اور سماجی خدمات کے لیے وقف خدمات کو سراہتے ہوئے یہ ایوارڈ ان کی عظیم کامیابی کی گواہی ہے۔
روتری کے رہنماؤں اور اراکین نے ان کی کامیابی پر مبارکباد پیش کی اور کہا کہ عبدالحمید اسلم کی لگن اور قیادت نے نہ صرف کلب کو بلند مقام تک پہنچایا ہے بلکہ معاشرے میں مثبت تبدیلی لانے میں بھی اہم کردار ادا کیا ہے۔
عبدالحمید اسلم نے اس موقع پر کہا کہ یہ اعزاز صرف ان کا نہیں بلکہ پورے کلب کی اجتماعی کوششوں کا ثمر ہے، اور وہ اسے روتری کے مشن کو آگے بڑھانے کے لیے ایک نئی تحریک سمجھتے ہیں۔
ان کی یہ کامیابی نہ صرف روتری بلکہ پورے ملک کے لیے باعث فخر ہے، جو ثابت کرتی ہے کہ لگن اور عزم سے ہر مقصد حاصل کیا جا سکتا ہے۔
