“آٹزم کے شعبے میں نمایاں خدمات کے اعتراف میں ڈاکٹر اے غفار بلو کو خراج تحسین”
کے تحت ایک خصوصی تقریب کا انعقاد کیا گیا، جس میں معروف شخصیات سعید اسماعیل، ڈاکٹر تنویر احمد شیخ (سی ای او ہینڈز)، اور بریگیڈیر وقار اعوان (سی ای او میمن ہسپتال) نے شرکت کی۔
تقریب میں ڈاکٹر اے غفار بلو کو “فادر آف آٹزم” کے طور پر سراہا گیا، جن کی انتھک محنت اور تحقیق نے آٹزم کے شعبے میں انقلاب برپا کر دیا ہے۔ شرکاء نے ان کی خدمات کو نہ صرف پاکستان بلکہ عالمی سطح پر سراہا۔
سعید اسماعیل نے کہا کہ ڈاکٹر بلو کی کوششیں معاشرے کے کمزور طبقات کے لیے ایک روشن مثال ہیں۔ ڈاکٹر تنویر شیخ نے ہیلتھ کیئر کے شعبے میں تعاون کو مزید بڑھانے پر زور دیا، جبکہ بریگیڈیر وقار اعوان نے میمن ہسپتال کی جانب سے آٹزم کے شعبے میں جدید سہولیات فراہم کرنے کا عزم دہرایا۔
یہ تقریب آٹزم کے مریضوں اور ان کے خاندانوں کے لیے نئی امیدوں کا پیغام لے کر آئی ہے۔
#آٹزم_اوریئر #ڈاکٹر_غفار_بلو #صحت_کی_دیکھ_بھال
