3 مئی 2025
راولپنڈی
آزادی صحافت کے عالمی دن کے موقع پر پیشہ ورانہ خدمات پر صحافیوں کو خراج تحسین پیش کرتے ہیں۔صحافی معاشرہ کا آئینہ ہیں،ریاست کا چوتھا ستون ہیں، عوام پاکستان پارٹی اپنے تمام صحافی برادری سے اظہار یک جہتی کے لئے پر عزم ہے۔
عوام پاکستان پارٹی کے رہنما چوہدری انعام ظفر ،ڈاکٹر مہر لیاقت علی اور عثمان عباسی نے آزادی صحافت کے عالمی دن پر اپنے اہم بیان میں کہا کہ دنیا بھر کی طرح پاکستان میں صحافیوں کو اہم چیلنجز کا سامنا ہے، جن میں حفاظتی خدشات، ملازمت میں عدم تحفظ اور میڈیا کی آزادی پر پابندیاں شامل ہیں۔مردوں کے ساتھ خواتین صحافیوں کو بھی مختلف رکاوٹوں کا سامنا ہے، جن کو تحفظ دینا متعلقہ اداروں کی زمہ داری ہے۔چوہدری انعام ظفر کا کہنا تھا کہ پاکستان کو صحافیوں کے لیے خطرناک ترین ممالک میں سے ایک تصور کیا جاتا ہے، جہاں پر قتل،دھمکیاں اور لوٹ مار جیسے متعدد رپورٹس دیکھنے کو ملتی ہیں۔صحافی اپنی زندگی داؤ پر لگا کر عوام تک حقائق پہنچاتے ہیں،عوام پاکستان اپنے ہر صحافی کے ساتھ شانہ بشانہ کھڑی ہے۔ڈاکٹر مہر لیاقت علی نے کہا کہ صحافیوں کو آزادی رائے کا مکمل حق ملنا چاہیے،کیوں کہ پیش ور صحافی اپنے ذمہ داریاں احسن طور پر نبھانا باخوبی جانتے ہیں۔عثمان عباسی نے کہا کہ پاکستان میں صحافت ایک انتہائی محدود ماحول میں کی جاتی ہے، پسماندہ علاقوں کے صحافی متعدد خطرناک حادثات سے دوچار رہتے ہیں۔جہاں صحافیوں کو سچائی سے پردہ اٹھانے اور موجودہ واقعات کی رپورٹنگ کے سلسلے میں بے شمار رکاوٹوں کا سامنا کرنا پڑتا ہے۔صحافی ہمارے بھائی ہیں اور عوام پاکستان پارٹی ان کے ساتھ ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کیپشن:
عوام پاکستان پارٹی کے رہنما چوہدری انعام ظفر ،ڈاکٹر مہر لیاقت علی اور عثمان عباسی ورلڈ پریس فریڈم ڈے پر اظہار خیال کرتے ہوئے ۔
