ہالینڈ میں مقیم کراچی پریس کلب کے سابق ممبر سینیئر صحافی شاعر اور
ادیب احسان الٰہی سہگل طویل علالت کے بعد دی ہیگ میں انتقال کر گئے۔ وہ کینسر کے عارضے میں مبتلا تھے۔ وہ لاڑکانہ میں پیدا ہوئے تھے۔ انہوں نے کراچی میں روزنامہ آغاز میں کام کیا۔ احسان سہگل 1978 میں، وہ پاکستان میں جنرل ضیاء الحق کے دور حکومت میں سیاسی عتاب سے بچنے کیلئے ہالینڈ چلے گئے تھے۔ انہوں نے اردو ادب میں بیچلر آف آرٹس اور ماسٹر آف آرٹس کے ساتھ ساتھ کراچی یونیورسٹی سے بیچلر آف لاء کی ڈگری بھی حاصل کی تھی۔ وہ اردو انگریزی اور ڈچ زبانوں میں لکھے تھے۔ وہ یورپ کے ادبی حلقوں میں اپنی ادبی کاوشوں کے حوالے سے شہرت رکھتے تھے۔ ان کے۔ کئی شعری مجموعے اور کتابیں شائع ہو چکی ہیں۔ ادبی کاوشوں پر ایشا اور یورپ کی کئی ادبی تنظیموں کی جاتب سے انہیں ایوارڈز بھی ملے۔ ان کی دو کتایوں کی تقاریب کراچی پریس کلب اور آرٹس کونسل کراچی میں بھی منعقد ہوئی تھیں ۔ ان کا شعری مجموعہ ضربِ سخن خاصا مقبول ہے۔ وہ انگریزی شاعری میں بھی شاعری کرتے تھے۔ انہوں نے پاکستان میں قیام کے دوران پاکستان میں آزادی صحافت کی جدوجہد میں بھی بھرپور حصہ لیا تھا۔
