سندھ اسمبلی کے اسپیکر سید اویس قادر شاہ کا یومِ آزادی صحافت پر خصوصی پیغام
“صحافت جمہوریت کا ستون اور عوام کی آواز ہے”
سندھ اسمبلی کے اسپیکر سید اویس قادر شاہ نے یومِ آزادی صحافت کے موقع پر اپنے پیغام میں کہا کہ “آزادی صحافت اور اظہارِ رائے بنیادی جمہوری اصول ہیں، جو معاشرے میں سچ، شفافیت اور احتساب کو فروغ دیتے ہیں۔”
انہوں نے زور دے کر کہا کہ “جدید دنیا میں صحافت کو نئے چیلنجز کا سامنا ہے، لیکن سچائی کی راہ میں جان دینے والے صحافیوں کی جرات ہمیشہ مشعلِ راہ رہے گی۔”
اسپیکر سندھ اسمبلی نے صحافیوں کی قربانیوں کو خراجِ تحسین پیش کرتے ہوئے کہا کہ “سندھ اسمبلی نے صحافیوں کے تحفظ کے لیے تاریخی قانون ’سندھ پروٹیکشن آف جرنلسٹس بل 2021‘ منظور کیا ہے، جو صحافیوں کے حقوق کا ضامن ہے۔”
انہوں نے واضح کیا کہ “سندھ اسمبلی ہمیشہ سے صحافیوں کے تحفظ اور آزادی اظہارِ رائے کی حامی رہی ہے، اور آئندہ بھی ان کے حقوق کے لیے کوشاں رہے گی۔”
جاری کردہ: اسد علی ڈاہری
پبلک ریلیشنز آفیسر (پی آر او)، اسپیکر سندھ اسمبلی
