کے ڈی آر سی کے زیر اہتمام بھارتی وزیراعظم نریندر مودی کی جانب سے جارحیت کی دھمکیوں کے خلاف مظاہرے سے چیئرمین ڈاکٹر سلیم حیدر، اشرف جبار قریشی ،اخلاق سونی شمشاد غوری نعیم طاہر و دیگر خطاب کررہے ہیں ۔۔
کراچی : بھارت کی جارحانہ دھمکیوں کے خلاف کراچی ڈیزاسٹر ریپئیر کونسل(کے ڈی آر سی) کے پریس کلب ہونے والے مظاہرے سے خطاب کرتے ہوئے مقررین نے بھارتی وزیر اعظم نریندر مودی کو خبردار کیا ہے کہ پاکستان پر حملے کی غلطی نہ کرے یہ حملہ ان کی اپنی سلامتی کو خطرے میں ڈال دے گا کیونکہ فوج ہی نہیں پاکستان کے 25 کروڑ عوام بھی بھارتی عزائم کی راہ میں سیسہ پلائی دیوار ہوں گے, کے ڈی آر سی کے اہتمام مظاہرے سے ڈاکٹر سلیم حیدر ،اشرف جبار قریشی ،شمشاد غوری ،اخلاق سونی، نعیم طاہر ،مرکزی جمعیت اہل حدیث سندھ کے ڈپٹی سیکریٹری جنرل سید عامر نجیب ، یوسف پاکستانی،اور بلو اکرم بھائی نے خطاب کیا اس موقع کے ڈی آر سی کی مرکزی کمیٹی کے رہنما نعمان خان، ندیم بیگ ،سندھ جیولرز ایسوسی ایشن کے چیئرمین محمد ارشد ، عام لوگ اتحاد پارٹی کے رہنما ڈاکٹر آغا علی سلمان ودیگر بھی موجود تھے مقررین نے کہا کہ بھارت اپنی انتظامی نااہلی اور سیکیورٹی ناکامی چھپانے کے لیے آبی جارحیت سمیت جنگ کی دھمکیوں پر اتر آیا ہے ڈاکٹر سلیم حیدر نے کہا کہ پہلگام واقعے پر کسی بھی تحقیق کے بغیر الزام تراشی سے خطے میں امن کو خطرہ لاحق ہو گیا ہے ہمارے آباؤ اجداد نے بے شمار قربانیاں دے کر جو ملک حاصل کیا ہے اس کی حفاظت کے لیے کوئی کسر نہیں اٹھا رکھیں گے انہوں نے کہا ک بانیان پاکستان کی اولادیں پاک فوج کے شانہ بہ شانہ ملک کے ایک ایک انچ کا دفاع کریں گی بھارت اس بھول میں نہ رہے اس کی ایما پر کراچی کے بعض مسترد سیاسی لوگوں نے پاک فوج اور عوام غلط فہمیاں پیدا کردی ہیں پاکستان بھی ہمارا ہے فوج بھی ہماری ہے آج یہ مظاہرہ اس بات کا غماز ہے بانیان پاکستان کی اولادیں پاکستان کے ساتھ ہیں اور قیامت تک اس کے ساتھ رہیں گے کل بھی ہمارا نعرہ پاکستان زندہ باد تھا آج بھی یہی ہے اور مرتے دم تک نعرہ یہی رہے گا اشرف جبار قریشی نے بھارت کے وزیراعظم نریندر مودی کو خبردار کیا کہ وہ اپنی گرتی ہوئی ساکھ کو بحال کرنے کے لیے نہ صرف انسانی جانوں سے کھیل چکے اب خطے کو راکھ کے ڈھیر میں تبدیل کرنے کی روش ترک کردیں ورنہ لوگ دنیا ہلاکو خان اور چنگیز خان کو بھول جائیں گے انہوں نے مزید کہاکہ مودی بھارت میں موجود ہمارے رشتےداروں کو اذیتیں دے رہا ہے تاکہ وہ ہندؤں سے ہمدردی کے ووٹ حاصل کر سکے مگر اسے بتانا چاہتے ہیں اب کی بار وہ الیکشن تو کیا جیتے گابھارت میں سر چھپا نے کی جگہ بھی نہیں ڈھونڈ سکے گا ہمارے رشتےداروں انہوں نے کہا کہ پہلگام واقعے کی تحقیقات کر کے عالمی عدالت اس کا مقدمہ نریندر مودی اور امیت شا پر چلایا جائے شمشاد غوری نے کہا کہ علاقے میں حالات معمول پر لانے اور امن برقرار رکھنے کے لیے ہر ممکن اقدامات کیے جائیں پاکستانی قوم جنگ اس لیے نہیں چاہتی کہ سرحدوں کے دونوں طرف انسان مریں گے لیکن اس جذ بےکو کمزوری پر محمول کیا گیا تو پھر جنگ ہی سہی ،ہم تیار ہیں اخلاق سونی کہا کہ بھارت نے حملے کی غلطی کی تو یہ اس کی آخری غلطی ہوگی اخلاق سونی نے کہا کہ کراچی میں بانیان پاکستان کی اولادیں بستی ہیں دشمنوں بہت کچھ کہا لیکن ہم نے کل بھی کہا تھا آج بھی کہیں گے پاکستان بنایا تھا پاکستان بچائیں گے مظاہرے کے اختتام پر شرکا نےنریندر مودی کے پتلے کو چلایا اور مودی کے پورٹریٹ پر سیاہی پھیری گئی۔
