جیکب آباد: رپورٹ ایم ڈی عمرانی
جیکب آباد میں سابق وزیر اعظم کے گندم کے کھلیان کو نامعلوم افراد نے آگ لگا دی، 5ہزار من گندم جل کر راکھ کے ڈھیر میں تبدیل۔ ملزماں گرفتار کرنے میں ناکام پولیس موقف دینے سے قاصر
تفصیلات کے مطابق جیکب آباد کے گاؤں احمد میاں سومرو میں سابق نگران وزیر اعظم محمد میاں سومرو کے گندم کے کھلیان کو نامعلوم افراد نے آگ لگا دی جس کے باعث 5 ہزار من سے زائد گندم جل کر راکھ کے ڈھیر میں تبدیل ہوگئی، بتایا جارہا ہے کہ نامعلوم افراد نے گندم کے کھلیان کو آگ لگا دی اور اندھیرے کا فائدہ اٹھاتے ہوئے فرار ہوگئے، نقصان کی مالیت کروڑوں روپے بتائی جارہی ہے، تاہم آخری اطلاعات تک واقعے کا مقدمہ درج نہیں ہوسکا اور ناہی کوئی گرفتاری عمل میں آئی روزنامہ دنیا کی جانب سے مسلسل رابطہ کرنے کے باوجود پولیس موقف دینے سے قاصر
جیکب آباد، نامعلوم ملزمان کا پولیس چوکی پر حملہ، ایک اہلکار زخمی۔ تفصیلات کے مطابق جیکب آباد کی تحصیل گڑہی خیرو میں لاڑکانہ بھنڈ روڈ پر قائم لعل شاہ پولیس چوکی پر نامعلوم مسلح افراد نے حملہ کرکے فائرنگ کردی جس کینتیجے میں ایک پولیس اہلکار عاشق عمرانی زخمی ہوگیا، اطلاع پر پولیس نفری پہنچی تو حملہ آور فرار ہوگئے، زخمی اہلکار کو اسپتال منتقل کردیا گیا ہے، پولیس کے مطابق نامعلوم مسلح افراد کو روکنے کا اشارہ کیا تو انہوں نے پولیس پر فائرنگ کردی جس کے نتیجے میں ایک اہلکار زخمی ہوگیا ہے، ملزمان کی گرفتاری کے لیے پولیس نے علاقہ کی ناکابندی کردی ہے تاہم آخری اطلاعات تک کوئی گرفتاری عمل میں نہیں آسکی تھی۔
جیکب آباد میں نہر کی پل ٹوٹنے سے بجری سے بھرا ٹرک کار پر الٹ گیا،کار گاڑی مکمل تباہ، گاڑی میں سوار 2 افراد معجزانہ طور پر محفوظ واقع رہے۔ناقص تعمیر کے باعث پل ٹوٹگیا ہے اہل علاقہ تفصیلات کے مطابق جیکب آباد کے قریب کھیر تھر کینال کی خستہ حال جہان شاہ پل پر بجری سے بھرا ٹرک گاڑی پر الٹ گیا ٹرک کی زد میں آکر گاڑی کا پیچھے والا حصہ مکمل تباہ ہوگیا جبکہ گاڑی میں سوار دو افراد ایوب مغیری اور محمد علی مغیری معجزانہ طور پر محفوظ رہے، واقعہ کے خلاف علاقہ مکینوں نے احتجاج کرتے ہوئے کہا کہ کئی سالوں سے پل کی حالت خستہ ہے جس کی وجہ سے آئے روز حادثات معمول بن چکے ہیں، انہوں نے کہا کہ کئی بار سڑک اور پل کی تعمیر کے لیے شکایات کی ہیں لیکن کوئی سننے والا نہیں انہوں نے منتخب نمائندوں اور ضلع انتظامیہ سے مطالبہ کیا کہ فلفور پل کی مرمت کرائی جائے تاکہ آئے روز پیش آنے والے حادثات سے بچا جاسکے۔
