اہلیان کراچی کی ہر دلعزیز کےالیکٹرک اپنے رشتہ داروں کے جھرمٹ میں ۔

یہ تو سب جانتے ہیں اس خاندان کی اصلی ہیروئن تو بجلی آپی ہیں جہاں جاتی ہیں رونق لگا دیتی ہیں اور جہاں سے چلی جاتی ہیں وہاں محفل ویران ہو جاتی ہے ۔ سارے باغوں کی بہار انہی کے دم سے ہے

اس خاندان کا ایک اہم کردار روشنی باجی ہیں وہ بے حد مقبول اور کامیاب نظر آتی ہیں ان کی وجہ سے کہیں قیمتی جانوں کا زیاں بچ گیا ۔ ان کی رہنمائی سے لوگوں نے اپنی زندگی بہتر اور محفوظ بنا لی ہے ۔

اس خاندان سے جڑا ہوا ایک کردار کنڈا دادا کا ہے جس کا کچی آبادیوں میں بہت زور ہے

اس کا نیٹ ورک بہت پرانا اور بہت وسیع ہے بڑے بڑے لوگ اس پر ہاتھ ڈالتے ہوئے کانپ اٹھتے ہیں بہت سے لوگوں کے مفادات اس کے ساتھ جڑے ہوئے ہیں

اس لیے وہ نظر نہیں ملاتے اور چپ چاپ ادھر ادھر چلے جاتے ہیں ۔
اس خاندان کا ایک اہم کردار کنیکشن چاچا ہے کنیکشن چاچا کا انتظار بہت سے علاقوں میں مدت سے کیا جا رہا ہے لیکن یہ وہاں جا کر نہیں دیتے اور جن علاقوں میں کنیکشن چچا پہنچ چکے ہیں وہاں پر کافی سکون محسوس کیا جا رہا ہے نئی ہاؤسنگ سوسائٹیز اور بلند و بالا اپارٹمنٹ پروجیکٹ بلڈرز ان کی خوشامد میں مصروف رہتے ہیں ۔
اس خاندان کے ایک اہم کردار میٹر تایا ہیں ان کی شکایتیں بہت زیادہ ہیں اور ان کا علاج کرانے کے لیے مطالبہ بڑھ رہا ہے کہا جاتا ہے کہ میٹر تایا کا دماغ چل گیا ہے اس کو بڑے ڈاکٹر بلکہ سرجن کی ضرورت ہے ۔

جیسا کہ پہلے بتایا روشنی باجی اپنا کام اچھی طرح کر رہی ہے اور اب تو ایک کامیاب استانی بن چکی ہے اور کنیکشن چاچا بھی یہاں چلا جاتا ہے وہاں اچھا بھلا کام کر لیتا ہے لیکن ایک بڑا مسئلہ اس خاندان کی لوڈ شیڈنگ پھوپھو نے کھڑا کر رکھا ہے لوڈ شیڈنگ پھوپھو کو کہیں دور بھیج دینا چاہیے وہ بھی بہت زیادہ دنوں کے لیے ہے سب لوگ یہی چاہتے ہیں کہ لوڈ شیڈنگ پھوپھو ان کے گھر کا رخ نہ کرے ۔

بتایا جاتا ہے کہ اس خاندان کی ایک فرد کمپلینٹ خالہ ہیں جن کے پاس جب بھی کوئی جاتا ہے وہ سر پر دوپٹہ باندھ کر بیٹھی ہوتی ہیں ایسا لگتا ہے ان کی شوگر لو ہی رہتی ہے یہی حال ہے اس خاندان کے خالو سپروائزر کا ہے وہ کسی کام کے نہیں ہے جب کہ زیادہ شکایتیں انکل لائن مین کی ہیں وہ بھی سارے جھگڑے فساد کی جڑ بتائے جاتے ہیں ہر علاقے میں ان کا چکر چل رہا ہے ۔

اس خاندان کے سب سے زیادہ نازک مزاج شخص فیڈر جیجا جی ہیں فیڈر جیجا جی کا موڈ بظاہر اچھا بھلا بھی ہو تو کوئی نہیں بتا سکتا کہ کب ان کا اچھا بھلا موڈ ٹرپ کر جائے گا ۔جیجا جی سب سے زیادہ غیر یقینی صورتحال سے دوچار رہتے ہیں اور ہر کسی کی خواہش ہوتی ہے کہ ان کا مزاج نہ بگڑے اگر یہ بگڑ گئے تو سب کا مزا کرکرا ہو جاتا ہے یہ بات سبھی جانتے ہیں ۔

ویسے نخرے تو پھوپھا ٹرانسفارمر کے بھی کم نہیں ہیں موسم بے موسم وہ کسی بھی وقت بگڑ سکتے ہیں اور کبھی کبھی تو پھٹ ہی پڑتے ہیں ۔

اس خاندان میں دراز کامت کھمبا بھائی اپنا الگ مزاج رکھتے ہیں ویسے تو بڑی شان و شوکت کے ساتھ تن کر رہتے ہیں لیکن کبھی بیمار پڑ جاتے ہیں تو ایسا جھکتے ہیں کہ دوسروں کے سر پھوڑ دیتے ہیں ۔

دور دراز علاقوں کی سیر کرنے کی شوقین کیبل خالہ ویسے تو مسکراتی رہتی ہیں لیکن غصہ ائے تو کسی پر بھی ٹوٹ پڑتی ہیں ۔

ارے ہاں ۔ آپ کو یہ بتانا تھا کہ اس خاندان کا ہیرو کون ہے ؟ اس خاندان کے ہیرو ایم ڈی صاحب ہیں ہر محاذ پر سرخرو نظر آتے ہیں ۔ وہ گھبراتے ہیں نہ ملازمین کو اکیلا چھوڑتے ہیں ہر مشکل اور ہر آزمائش میں خود سب سے آگے سب سے پہلے چیلنجوں کا مقابلہ کرتے ہوئے ملتے ہیں ۔

یہ خاندان اپنی کمزوریوں اور اپنی خوبیوں کی وجہ سے کافی مشہور ہے کچھ لوگوں کے نزدیک کافی بدنام ہے لیکن اس کے اچھے کام بلکہ خدمات بھی قابل ستائش ہیں یہ وہ کنبہ ہے جو انتہائی نام مصاعد حالات میں خود مشکلات سے دوچار ہوتے ہوئے دوسروں کے لیے سکھ اور آرام کی تلاش میں سرگرم رہتا ہے ہاں اس کے کچھ کردار کالی بھیڑوں جیسے ہیں لیکن ایسے تمام کرداروں کے گرد گھیرا تنگ کیا جا رہا ہے اب اس خاندان کی کمزوریاں کم ہوتی جا رہی ہیں اور خوبیاں بڑھتی جا رہی ہیں بلکہ کہیں گنا بڑھ چکی ہیں اب وقت ہے کہ اس خاندان میں اچھے کام کرنے والوں کا ساتھ دیا جائے ان کا ساتھ کیسے دیا جا سکتا ہے یہ کام زیادہ مشکل نہیں ہے ۔ احساس ذمہ داری پیدا کرنا ہوگا چوری سے خود بچنا بھی ہوگا اور چوروں کی نشاندہی کر کے ان کو گا سروں کے اوپر بوجھ بڑھانے سے روکنا بھی ہوگا ۔ جیسے ہم بغیر پیسے دیے آٹا اور گوشت سبزیاں خرید کر نہیں لا سکتے اسی طرح استعمال کی گئی بجلی کا بل بھی بروقت ادا کرنا یقینی بنانا ہوگا زیادہ بل سے بچنے کے لیے بجلی کا محتاط استعمال کرنا سیکھنا ہوگا اور باقاعدگی کے ساتھ بل کی ادائیگی یقینی بنانے کے لیے رقم کی بچت کرنا ہوگی ۔ تو خود بتائیے اس میں مشکل کیا ہے ؟
=========================