اسلام آباد: فیڈرل پبلک سروس کمیشن نے سی ایس ایس 2024کے تحریری امتحان کا نتیجہ جاری کردیا۔
نتائج کے مطابق مجموعی طور پر 23100 امیدواروں نے امتحان کیلئے درخواست دی تھی تاہم 15 ہزار 602 امیدوار امتحان میں شریک ہوئے۔
امتحان میں شریک 15 ہزار 602 امیدواروں میں سے صرف 395 امیدوار تحریری امتحان میں کامیاب قرار پائے ہیں۔
سی ایس ایس کے تحریری امتحان میں کامیابی کی شرح 2.53 فیصد رہی۔
=====================
ملتان: مظفر پل کے قریب وین میں آگ لگنے سے 4 افراد جاں بحق
ملتان: وین میں آگ لگنے سے 4 افراد جاں بحق ہوگئے۔
پولیس کے مطابق یہ واقعہ مظفر آباد پل کے قریب پیش آیا جہاں وین میں آگ بھڑک اٹھی۔
پولیس نے بتایا کہ آگ لگنے سے گاڑی میں سوار 6 افراد جھلس گئے، واقعے کی اطلاع ملتے ہی امدادی کارروائیاں شروع کی گئیں اور زخمیوں کو اسپتال منتقل کیا گیا جہاں 4 افراد دم توڑ گئے۔
پولیس کے مطابق لاشیں اور شدید جھلسنے والے 2 افراد نشتر اسپتال منتقل کیے گئے ہیں۔
پولیس کا کہنا ہےکہ وین کوٹ ادو سے ملتان ائیر پورٹ جا رہی تھی، گاڑی میں آگ لگنے کی وجہ جاننے کی کوشش کی جارہی ہے۔
