ریاض ایئر’ نے کہا ہے کہ اگر امریکہ و چین کے درمیان جاری تجارتی کشیدگی کی وجہ سے چین نے امریکہ سے ‘بوئنگ طیارے’ نہ خریدے تو ‘ریاض ایئر’ یہ طیارے حاصل کرنے کی کوشش کرے گی۔
یہ بات ‘ریاض ایئر’ کے سربراہ ٹونی ڈوگلس نے پیر کے روز کہی ہے کہ ان کے زیر قیادت کام کرنے والا ‘اسٹارٹ اپ’ ‘ریاض ایئر’ چین کا سودا منسوخ ہونے کے بعد یہ طیارے خریدنے کو تیار ہوگا۔
سعودی عرب کی نئی فضائی کمپنی ‘ریاض ایئر’ کے چیف ٹونی ڈوگلس نے مزید کہا کہ ‘اس نئی صورتحال میں ہم کیا کریں گے، یہ بڑا واضح ہے کہ ہم ان تمام طیاروں کو خوشی سے خرید لیں گے۔
ٹونی ڈوگلس نے یہ بات بین الاقوامی خبر رساں ادارے’روئٹرز’ سے ایک انٹرویو میں کہی۔ وہ ‘اریبیئن ٹریول مارکیٹ کانفرنس’ میں شریک تھے۔
‘ریاض ایئر ‘ نامی ایئر کمپنی سعودی عرب کے ‘پبلک انوسٹمنٹ فنڈ’ ‘پی آئی ایف’ کی مدد سے قائم کی گئی ہے۔ جس میں ‘بوئنگ’ اور ‘ایئربس’ دونوں طرح کے طیاروں کو شامل کیے جانے کا منصوبہ ہے۔
ٹونی ڈوگلس نے کہا کہ ‘ریاض ائیر’ یہ نہیں دیکھتی ہے کہ عالمی سطح سے سعودی دارالحکومت کی طرف ٹریولنگ پر کیا اثرات ہیں۔
انہوں نے دنیا میں ‘میکرو اکنامک’ بے یقینی کے حوالے سے بھی کہا ‘ریاض ایئر’ نے جو فیصلے کیے ہیں وہ انہیں آگے بڑھائے گی اور اپنے منصوبے اور ڈیڈلائن کے مطابق کام کرتی رہے گی۔
خیال رہے ‘ریاض ایئر’ رواں سال کی چوتھی سہ ماہی میں اپنی لانچنگ کا ارادہ رکھتی ہے۔ اس نے اب تک 500 ملازمین ہائیر کر لیے ہیں۔ جبکہ اگلے 9 سے 12 ماہ کے دوران ان ملازمین کی تعداد 1000 کر دی جائے گی۔
