پاکستان کا ینگ سُپر اسٹار: شائننگ یوٹیوبر زید کامران ٹیسوری
پاکستان کے نوجوان طبقے میں ایک ایسا روشن ستارہ ابھرا ہے جس نے کم عمری میں ہی کامیابی کی نئی بلندیاں چھو لی ہیں۔ زید کامران ٹیسوری، سندھ کے گورنر کمران خان ٹیسوری کے ہونہار بیٹے، نے محض 13 سال کی عمر میں یوٹیوب کی دنیا میں اپنی پہچان بنائی اور پہلے ہی مہینے میں 1 لاکھ سبسکرائبرز کا سنگ میل عبور کر لیا۔ یہ ان کی محنت، اعتماد اور خلوص کی واضح دلیل ہے۔
کامیابی کا سفر: استنبول سے یوٹیوب تک
زید نے اپنا یوٹیوب سفر استنبول، ترکی سے شروع کیا، جہاں وہ اپنے والدین اور بھائی کے ساتھ مقیم تھے۔ ان کا پہلا وی لاگ ایک مال کے دورے پر مبنی تھا، اور پھر انہوں نے پیچھے مڑ کر نہیں دیکھا۔ ان کے وی لاگز اور پوڈکاسٹس نے نہ صرف نوجوانوں کو متاثر کیا بلکہ کئی معروف شخصیات کو بھی ان کے ساتھ انٹرویو دینے پر مجبور کر دیا۔
معروف شخصیات کے ساتھ انٹرویوز
زید نے بہت کم عمری میں ہی کئی کامیاب کاروباری شخصیات، سیلیبریٹیز اور سیاسی رہنماؤں کے ساتھ انٹرویوز کیے، جن میں عقیل کریم ڈھیڈی، عارف حبیب، معنیس الوی، عدنان صدیقی اور ڈکی بھائی جیسی نامور ہستیاں شامل ہیں۔ ان کے سوالات اور انٹرویو کا انداز نہایت پختہ اور پراعتماد ہے، جو ان کی ذہانت اور مطالعے کا ثبوت دیتا ہے۔
خاندانی اقدار اور اعلیٰ اخلاق
زید نہ صرف ایک کامیاب یوٹیوبر ہیں بلکہ وہ اپنے خاندان کی اعلیٰ اخلاقی اقدار کو بھی زندہ رکھے ہوئے ہیں۔ ان کا جانوروں سے پیار ان کی نرم دلی کو ظاہر کرتا ہے، جس کی وجہ سے انہوں نے اپنے گھر میں ایک چھوٹا سا چڑیا گھر بھی بنایا ہوا ہے۔ ان کے دوستوں کا دائرہ کاراچی، لاہور اور دیگر شہروں تک پھیلا ہوا ہے، جو ان کی ملنساری اور خوش اخلاقی کی عکاسی کرتا ہے۔
والد کی فخر اور پاکستان کا مستقبل
سندھ کے گورنر کمران خان ٹیسوری اپنے بیٹے کی کامیابی پر نہایت فخر محسوس کرتے ہیں۔ زید نے نہ صرف اپنے والد بلکہ اپنے دادا اختر ٹیسوری کا نام بھی روشن کیا ہے۔ ان کی محنت، لگن اور اعلیٰ اخلاقیات نے انہیں نوجوان نسل کے لیے ایک رول ماڈل بنا دیا ہے۔
جیوے پاکستان ڈاٹ کام کی طرف سے مبارکباد
جیوے پاکستان ڈاٹ کام زید کامران ٹیسوری کی شاندار کامیابیوں پر انہیں مبارکباد پیش کرتا ہے اور مستقبل میں ان کے لیے مزید عزت، شہرت اور کامرانی کی دُعاگو ہے۔ زید جیسے نوجوان ہی پاکستان کا روشن مستقبل ہیں، جو اپنی صلاحیتوں سے ملک کا نام روشن کر رہے ہیں۔
زندہ باد پاکستان! زندہ باد ہمارے نوجوان!
(تحریر: سالک مجید ایڈیٹر جیوے پاکستان ڈاٹ کام)
