امیر جماعت اسلامی گلبرگ وسطی کامران سراج نے محمودہ نسواں اسکول کا افتتاح کیا
تعمیر لیاقت آباد پروگرام کے تحت اسکول میں تعمیراتی کام مکمل کرکے اسکول کو بحال کیا گیا ہے
اساتذہ کے تربیتی پروگرام معیاری تعلیم کے انتظام کے ضامن ہیں : فراز حسیب
مورخہ24فروری 2025
کراچی( ) امیر جماعت اسلامی گلبرگ وسطی کامران سراج نے یونین کمیٹی نمبر 06 میں تعمیر لیاقت آباد پروگرام کے تحت تیارکئے جانے والے محمودہ نسواں اسکول کی بحالی کے بعد اسکول کا افتتاح کیا، اس موقع پر چیئرمین فراز حسیب، وائس چیئر مین اسحاق تیموری، یوسی پینل، ڈپٹی ڈائریکٹر الیکٹریکل محمد اصغر، اساتذہ و طالبات کی بڑی تعداد موجود تھی ۔ اس موقع پر چیئرمین لیاقت آباد ٹاؤن فراز حسیب نے لیاقت آباد ٹاون کے زیر انتظام چلنے والے اسکولوں کے نظام تعلیم اور اسکولوں کی حالات زار کی بہتری کے حوالے سے وائس چیئرمین لیاقت آباد ٹاون اسحاق تیموری کی خصوصی کاوشوں کو سراہا، کہ جن کی انتھک محنت سے لیاقت آباد ٹاون کے شعبہ تعلیم اور اسکولوں میں تعلیم کے ساتھ ساتھ طالبات کو بہترین تعلیمی ماحول کی فراہمی ممکن ہو سکی، چیئرمین لیاقت آباد ٹاون فراز حسیب نے کہا کہ اسکولوں کے نظام تعلیم کو اپ گریڈ کرنے کی ضرورت ہے،کسی بھی معاشرے کی ترقی کا راز تعلیم میں پوشیدہ ہے۔ کسی بھی تعلیمی نظام کی بہتری اور کامیابی کے لیے ٹیچر ایجوکیشن اور ٹریننگ کی بہت اہمیت ہے۔ اساتذہ کے تربیتی پروگرام معیاری تعلیم کے انتظام کے ضامن ہیں موجودہ دور میں ٹیکنالوجی اور دیگر جدید وسائل کا استعمال از حد ضروری ہے، بعد ازاں چیئرمین فراز حسیب نے یوسی 06 میں پیور بلاک ورک کے کام کا بھی معائنہ کیا۔
جاری کردہ؛
فہیم مصطفی
ڈائریکٹر انفارمیشن
لیاقت آباد ٹاؤن
