پنجاب پیرا میڈیکل سٹاف ایسوسی ایشن کے صوبائی صدر محمد ارشد بٹ، چیئرمین رانا پرویز ، جنرل سیکرٹری شہزاد روشن اور ضلعی صدر لاہورچودھری وسیم نے کہا ہے کہ ہسپتالوں میں ٹھیکے پر مامور صفائی کرنے والی کمپنی اورسکیورٹی گارڈز کمپنی کا پیرامیڈیکل سٹاف ایسوسی ایشن کی قیادت، کارکنان اور عہدیداروں سے واسطہ بالواسطہ کوئی تعلق نہیں۔کمپنی کے زیر اثر کام کرنے والے ملازمین کی تمام تر ذمہ داری کمپنی انتظامیہ پر ہے۔پنجاب پیرا میڈیکل سٹاف ایسوسی ایشن کی صوبائی اور ڈسٹرکٹ قیادت اس خبر کی تردید کرتی ہے جس میں کہاگیا ہے کہ ” جنرل ہسپتال پرائیویٹ کمپنیوں کے زیر اثر کام کرنے والے ملازمین کے مسائل کا ازالہ نہیں ہو سکا“ صوبائی صدر ارشد بٹ نے کہا کہ اگر کسی ہسپتال کے اندر پیرا میڈیکس ملازمین کو کوئی مسئلہ درپیش آ رہا ہے تو وہاں کی پیرا میڈیکل سٹاف ایسوسی ایشن کو حل کرنے کی ذمہ دار ہے۔کسی کو حق حاصل نہیں کسی دوسرے ہسپتال کے معاملات میں مداخلت کرے۔
