رپورٹ۔ رانا رضوان خاں۔ جرمنی
اوورسیز صحافیوں کی نمائندہ جماعت “انٹرنیشنل ایسوسی ایشن آف پاکستانی جرنلسٹس ” کے نو منتخب عیدیداران کی تقریب حلف برداری بذریعہ زوم میٹنگ منعقد کی گئی۔ وفاقی وزیر برائےسمندر پار پاکستانیز اینڈ ہیومن ریسورس ڈویلپمنٹ چوہدری سالک حسین اور چئیرمین اوورسیزپاکستان فاؤنڈیشن سید قمر رضا نے خصوصی شرکت کی۔ سینئر صحافی مجیب الرحمن شامی نے عہدیداران سے حلف لیا۔
مہمان خصوصی وفاقی وزیر برائےسمندر پار پاکستانیز اینڈ ہیومن ریسورس ڈویلپمنٹ چوہدری سالک حسین نےآئی اے پی جے (IAPJ) کی مرکزی قیادت کی تقریب حلف برداری سے خطاب کرتے ہوئے کہا کہ اوورسیز پاکستانی جرنلسٹس پاکستان کا سرمایہ ہیں، ہم اوورسیز پاکستانی صحافیوں کی خدمات کو سراہتے ہیں اور اوورسیز منسٹری ٹھوس اقدامات کرکے ان کے تجربات سے استفادہ حاصل کرے گی۔اس کے ساتھ ساتھ آئی اے پی جے کے عہدیداران کی جانب سے اوورسیز پاکستانی صحافیوں کو مخلتف سہولیات فراہم کرنے
انہیں الگ سے شناخت اور اہمیت دینے پر ٹھوس حکمت عملی بنانے پر تبادلہ خیال کیا گیا۔
نومنتخب عہدیداران میں آئندہ دو سال کے لئے شاہد چوہان صدر، خرم شہزاد چئیرمین ، وسیم چودھری نائب صدر ، مہوش خان جنرل سیکرٹری جبکہ رضوان خان بطور سیکرٹری انفارمیشن خدمات سرانجام دیں گے۔ حلف برادری تقریب میں امریکہ، برطانیہ، جرمنی، ، ساوتھ افریقہ، ملائشیا، مڈل ایسٹ ، یورپ، سمیت دنیا کے چالیس ممالک سے تعلق رکھنے والے اوورسیز پاکستانی صحافیوں نے شرکت کی۔
