یونائیٹڈ گڈز ٹرانسپورٹرز الائنس کے چیئرمین اور میئر کراچی کے فوکل پرسن غلام یاسین خان کی سربراہی میں وفد کی کمشنر کراچی سے ملاقات کی۔
ملاقات میں ٹرانسپورٹ کے حوالے سے اہم گفتگو ہوئی، جہاں ٹرانسپورٹرز نے اپنے مطالبات پیش کیے۔ وفد میں سندھ گڈز ٹرک ٹرالر اونرز ایسوسی ایشن کے حمید بلوچ اعظم بٹ ، ٹی جی اے کے طارق گجر ،روفی جان،ٹی سی اے کے فیضان خان فلور مل مقادم ایسوسی ایشن کے جہانگیر خان ،امن دوست کے حاجی عربستان ،ڈمپر ایسوسی ایشن کے لیاقت محسود،حاجی خیر زمان،جان عالم، آل پاکستان گڈز ایسوسی ایشن کے ملک شہزاد اعوان اور نثار جعفری اور ایڈیبل آئل ٹینکر ایسوسی ایشن کے حاجی گلفراز شریک تھے۔
ملاقات میں گڈز ٹرانسپورٹرز کی ہیوی وہیکل کے حوالے سے درپیش مسائل پر تبادلہ خیال کیا گیا۔ہیوی وہیکل کو کراچی پورٹ کے اطراف ٹریفک پولیس کی جانب سے تنگ کیا جاتا ہے جس کی نشاندہی بھی کروائی گئی جس پر کمشنر کراچی نے یقین دہانی کرائی کہ آئیندہ ہیوی وہیکل کو تنگ نہیں کیا جائے گا ۔ شہر میں امن و امان کی صورتحال کے حوالے سے تفصیلی گفتگو کی گئی ۔وفد نے کمشنر کراچی سے مطالبہ کیا کہ ان کے ساتھ ہونے والی زیادتیوں کا سلسلہ بند کیا جائےاور جلائی گئی گاڑیوں کے معاوضے ادا کرنے کے حوالے سے بھی تفصیلی بات کی گئی۔
ملاقات میں ہیوی وہیکل کے ڈرائیوروں کے لئے ڈرائیونگ لائسنس بنانے کے سلسلے کو کھولاجائے اور لائسنس کے اجراء کا سلسلہ بھی آسان کیا جائے۔
کمشنر کراچی نے ٹرانسپورٹرز کے مسائل کو سنا اور انہیں جلد از جلد حل کروانے کی یقین دہانی کروائی ۔
