ممتاز نعت گو شاعر ماہر القادری کے نام سے پارک کو موسوم کر دیا گیا
کراچی کو سنوارنے کے لئے ہم سب کو اپنا اپنا کردار ادا کرنا ہو گا۔سید محمد مظفر
پھولوں کی نمائش کے حوالے سے محکمہ پارکس کی خدمات قابل ستائش ہیں۔محمد نعمان صدیقی
مورخہ؛۔21 /فروری2025 ء
کراچی ( )امیر جماعت اسلامی ضلع وسطی کراچی سید وجیہ الحسن نے ناظم آ با د ٹاؤن کی جانب سے ماہر القادری پارک میں منعقدہ سالانہ فلاور شو کا افتتاح کیا۔اس موقع پر چیئر مین ناظم آ با د ٹاؤن سید محمد مظفر،وائس چیئر مین محمد نعمان صدیقی، میونسپل کمشنر اطہرسعید خان، ڈائریکٹر پارکس محمد آصف،ڈائریکٹر ایڈمنسٹریشن و سینی ٹیشن ظہیر احمد،ڈائریکٹر انفارمیشن فہیم زیدی،ڈائریکٹر ایڈورٹائزمنٹ آصف بیگ،ڈائریکٹر کونسل عبید عالم،ماہر القادری کے اہل خانہ و دیگر بلدیاتی افسران بھی موجو د تھے۔اس موقع پر چیئر مین سید محمد مظفر نے میڈیا سے گفتگو کرتے ہوئے کہا کہ ماہر القادری کی خدمات کے اعتراف میں اس پارک کو ان کے نام سے موسوم کیا گیا ہے جناب ماہر القادری ممتاز نعت گو شاعر ہونے کے ساتھ ساتھ معروف ادیب و صحافی بھی تھے۔فلاور شو کے حوالے سے انہوں نے گفتگوکرتے ہوئے کہا کہ محکمہ پارک کی دو ماہ کی محنت سے پھولوں کی اس محفل کو سجایا ہے اس پانچ روزہ فلاور شو جو کہ 21فروری تا 25فروری تک جاری رہے گا اس فلاور شو میں 50 سے زائد پھول اور پودوں کی اقسام رکھی گئی ہیں جو عوامی توجہ کے مرکز بن رہے ہیں اس فلاور شو میں پھول اور پودوں کے ساتھ ساتھ فوڈ اسٹالز بھی لگائے گئے ہیں اور چیئر مین ناظم آ با د ٹاؤن کی جانب سے نمائش میں آ نے والے بچوں میں تحائف بھی تقسیم کئے جارہے ہیں۔
فہیم مصطفی
ڈائریکٹر انفارمیشن
