مہاجرقومی موؤمنٹ کےچیئرمین آفاق احمد کوضمانت کےبعد دوبارہ گرفتارکرلیا۔
سرجانی پولیس نے کراچی سینٹرل جیل میں آفاق احمد کی گرفتاری کے لئے کارروائی کی۔ آفاق احمد کے خلاف سرجانی ٹاون میں نامعلوم افراد کے خلاف گاڑی جلانے کا مقدمہ درج تھا۔
آفاق احمد کی انسداددہشت گردی کورٹ نےدومقدمات میں ضمانت منظورکی تھی۔ جاویدچھتاری ایڈووکیٹ نے کہا کہ آفاق احمد کا ایف آئی آرمیں نام نہیں ہے، ہم کل اس مقدمے میں بھی درخواست ضمانت دائر کردیں گے۔
پولیس کا اس حوالے سے کہنا ہے کہ آفاق احمد کے اُکسانے سے مال بردار ٹرک جلائے گئے، اس حوالے سے ان کی گرفتاری عمل میں لائی گئی
========================
کراچی: پولیس نے کار لفٹروں کی جانب سے چھینی گئی کاریں چھپانے کا ٹھکانہ پکڑ لیا
کراچی: ماڈل کالونی پولیس نے کار لفٹروں کا چھینی گئی کاریں چھپانے کا ٹھکانہ پکڑ لیا۔
پولیس کے مطابق نامعلوم کارلفٹروں نے ماڈل کالونی سے کار چھینی جس کی اطلاع 15 پر ملی۔
پولیس نے بتایا کہ کار میں ٹریکر تھا جس کی مدد سے ماڈل کالونی پولیس نے کار لفٹروں کا پیچھا جاری رکھا، سعدی ٹاؤن میں کار لفٹروں سے پولیس کا آمنا سامنا ہوا اور فائرنگ کے تبادلے میں ملزمان فرار ہوگئے۔
یہ بھی پڑھیں
کراچی پولیس کا اہلکار موٹر سائیکل چھیننے کی واردات میں ملوث نکلا
کراچی میں کار چھیننے والا خاندان پکڑا گیا
پولیس کے مطابق جس جگہ سعدی ٹاؤن میں مقابلہ ہوا اس ہی جگہ پر چھینی گئی کار کا ٹریکر بند ہوگیا، پولیس نے گھروں کی تلاشی شروع کی تو ایک خالی گھر سے چھینی گئی کار مل گئی۔
اس کے علاوہ گھر سے جیمر، لیپ ٹاپ، جعلی نمبر پلیٹیں، ماسک، اسلحہ اور دیگر سامان بھی ملا ہے۔
