صوبائی وزیر رمیش سنگھ اروڑہ کی سابق صوبائی اور صدر یو ایم ٹی ابراہیم حسن مراد سے ملاقات
یونیورسٹی میں بابا گرو نانک چیئر قائم کرنے اور دیگر امور پر تبادلہ خیال
لاہور، 21 فروری: صوبائی وزیر اقلیتی امور، رمیش سنگھ اروڑہ نے سابق صوبائی وزیر اور یونیورسٹی آف مینجمنٹ اینڈ ٹیکنالوجی (یو ایم ٹی) کے صدر ابراہیم حسن مراد سے اہم ملاقات کی۔ ملاقات میں مختلف تعلیمی اور مذہبی امور پر تبادلہ خیال کیا گیا، جس میں خصوصی طور پر یونیورسٹی میں مذہبی اقلیتی طلبہ کے لیے شری گرو نانک اسکالرشپس کے اجراء کو خوب سراہا گیا۔
صوبائی وزیر نے یو ایم ٹی کے ساتھ اپنی دیرینہ وابستگی کا اظہار کرتے ہوئے یونیورسٹی کی تعلیمی خدمات پر روشنی ڈالی۔رمیش سنگھ اروڑہ نے یو ایم ٹی کے بانی ڈاکٹر حسن صہیب مراد کی تعلیم کے میدان میں گراں قدر خدمات کو خراجِ تحسین پیش کیا اور کہا کہ ڈاکٹر حسن مراد ایک شفیق اور وژنری رہنما تھے جنہوں نے تعلیم کے فروغ کے لیے بے شمار کوششیں کیں۔ انکا کہنا تھا کہ ڈاکٹر حسن صہیب مراد نظریات کو آگے بڑھاتے ہوئے یو ایم ٹی نے ابراہیم مراد کی نوجوان قیادت میں تعلیم کے شعبے میں اپنی ایک منفرد شناخت قائم کی ہے۔
ملاقات کے دوران سابق صوبائی وزیر اور چیئر مین یو ایم ٹی ابراہیم حسن مراد نے وزیراعلیٰ پنجاب کے مذہبی اقلیتوں کے لیے اٹھائے گئے اقدامات کی تعریف کی اور کہا کہ صوبائی وزیر رمیش سنگھ اروڑہ اس وقت امن کے سفیر کے طور پر کام کر رہے ہیں، جو معاشرتی ہم آہنگی اور مذہبی رواداری کے لیے اہم کردار ادا کر رہے ہیں۔ ابراہیم حسن مراد نے مزید کہا کہ مذہبی اقلیتی طلباء کو تعلیم میں بہتر مواقع فراہم کرنے سے ان کی زندگیوں میں بہتری آ سکتی ہے۔ انہوں نے کہا کہ یو ایم ٹی کا مقصدر اعلی تعلیم کی فراہمی سے نوجوان نسل کو با اختیار بنا کر ملک و قوم کی خدمت کرنا ہے۔
سابق وزیر نے نے اس بات پر زور دیا کہ اسلام اور سکھ ازم، دونوں مذاہب کا مقصد انسانیت کی خدمت اور محبت کا پیغام ہے۔ انہوں نے بیساکھی کے تہوار کی مناسبت سے دنیا بھر کی سکھ کمیونٹی کو دعوت دینے کی تجویز بھی دی، تاکہ کرتار پور کو سکھ کمیونٹی کے لیے ایک ماڈل شہر بنایا جا سکے، جس سے مذہبی سیاحت کو فروغ ملے گا۔
ملاقات کے اختتام پر، چیئر مین/صدر یو ایم ٹی ابراہیم حسن مراد نے صوبائی وزیر رمیش سنگھ اروڑہ کو ایک یادگاری شیلڈ بھی پیش کی۔
