کراچی جیل سے 22 بھارتی ماہی گیر رہا، 22 فروری کو واہگہ بارڈر سے بھارت کے حوالے کیے جائیں گے
کراچی جیل سے 22 بھارتی ماہی گیر رہا کر دیے گئے، جو کل واہگہ بارڈر سے بھارت کے حوالے کیے جائیں گے۔
کراچی کی لانڈھی ڈسٹرکٹ جیل ملیر سے 22 بھارتی ماہی گیروں کو رہا کر دیا گیا ہے جنہیں سرکاری ادارے کی نگرانی میں ایدھی فاؤنڈیشن کے انتظامات پر بس کے ذریعے لاہور منتقل کیا جا رہا ہے۔
ڈپٹی سپرنٹنڈنٹ لانڈھی جیل ارشد شاہ کے مطابق رہائی پانے والے 22 بھارتی ماہی گیروں میں 3 مسلمان جبکہ 19 ہندو شامل ہیں۔ اِن ماہی گیروں کو پاکستانی سمندری حدود میں گزشتہ ڈھائی سے 3 سال کے دوران غیر قانونی طور پر مچھلیوں کے شکار پر پاکستانی اتھارٹیز نے حراست میں لیا تھا
=================
پاکستان کی مشہور اسٹار جوڑی گوہر رشید اور کبریٰ خان اپنی شہندی پر ڈانس پرفارمنس کی وجہ سے تنقید کی زد میں آ گئی۔
پاکستانی اداکارہ کبریٰ خان اور گوہر رشید نے حال ہی میں مکہ مکرمہ میں نکاح کے بعد اپنی شادی کی تقریبات کا آغاز پاکستان میں کیا ہے۔
گزشتہ رات ان کی شہندی کی تقریب منعقد ہوئی، جس میں شوبز انڈسٹری کے متعدد ستاروں نے شرکت کی۔
کبریٰ خان اور گوہر رشید کی شہندی کی ویڈیوز اور تصاویر وائرل
کبریٰ خان نے پستہ رنگ کا لباس زیب تن کیا، جبکہ گوہر رشید نے سفید لباس کا شال کے ساتھ انتخاب کیا۔
تقریب میں رقص اور موسیقی کا اہتمام بھی کیا گیا اور دونوں اداکاروں کی ڈانس پرفارمنسز کی ویڈیوز سوشل میڈیا پر وائرل ہو رہی ہیں، ویڈیوز میں جوڑے کی خوشی اور محبت کا اظہار نمایاں ہے۔
شہندی کی تقریب میں کبریٰ خان اور گوہر رشید کے دوستوں نے بھی ڈانس میں حصہ لیا۔
سوشل میڈیا پر کچھ صارفین نے مکہ مکرمہ میں نکاح کے بعد شادی کی تقریبات میں رقص پر ان دولہا دلہن کو تنقید کا نشانہ بنایا ہے، ان کا کہنا ہے کہ مقدس مقام پر نکاح کے بعد اس طرح کی تقریبات مناسب نہیں ہیں۔
کچھ افراد نے کہا ہے کہ ایک طرف مکہ مکرمہ میں نکاح کیا گیا اور دوسری طرف رقص کی محفلیں سجائی جا رہی ہیں۔
اس بحث کے باوجود جوڑے کی شہندی کی تقریب کی ویڈیوز اور تصاویر سوشل میڈیا پر تیزی سے مقبول ہو رہی ہیں اور ان کے چاہنے والے خوشیوں میں شریک ہو رہے ہیں۔
